காமன்வெல்த் போட்டி: பளுதூக்குதல் பிரிவில் இந்தியாவுக்கு 7வது பதக்கம்.. ஹரிஜிந்தர் அபாரம்
காமன்வெல்த் போட்டி: பளுதூக்குதல் பிரிவில் இந்தியாவுக்கு 7வது பதக்கம்.. ஹரிஜிந்தர் அபாரம்
2026 காமன்வெல்த் விளையாட்டுப் போட்டிகள் நடைபெற்ற பெண்களுக்கான 69 கிலோ எடைப்பிரிவில் இந்தியாவின் ஹர்ஜிந்தர் கவுர் வெள்ளிப் பதக்கம் வென்று, பளுதூக்குதலில் வெள்ளி வென்றார். 28 வயதான அவர், ஸ்னாட்ச் பிரிவில் 101 கிலோவும், கிளீன் அண்ட் ஜெர்க் பிரிவில் 126 கிலோவும் தூக்கி, ஒட்டுமொத்தமாக 227 கிலோ எடையுடன் தனது திறமையான ஆட்டத்தை வெளிப்படுத்தினார்.
ஹர்ஜிந்தர் தனது கிளீன் அண்ட் ஜெர்க் பிரிவை 120 கிலோ எடையை வெற்றிகரமாக தூக்கித் தொடங்கினார், பின்னர் தனது இரண்டாவது முயற்சியில் எடையை 123 கிலோவாக உயர்த்தினார். அவர் இந்த எடையை நம்பிக்கையுடன் தூக்கி, காமன்வெல்த் விளையாட்டில் புதிய சாதனையைப் படைத்தார். தொடர்ந்து , தனது இறுதி முயற்சியில் 126 கிலோ எடையை வெற்றிகரமாக தூக்கியதன் மூலம், தனது முந்தைய சாதனையை மேம்படுத்தி ஒட்டுமொத்தமாக 227 கிலோ எடையுடன் போட்டியை சிறப்பாக முடித்தார்.
கனடாவின் சார்லோட் சிமோனியோ, காமன்வெல்த் விளையாட்டு சாதனையாக ஒட்டுமொத்தமாக 240 கிலோ எடையைத் தூக்கி தங்கப் பதக்கத்தைக் கைப்பற்றினார். சிமோனியோ ஸ்னாட்ச் பிரிவில் 108 கிலோவும், கிளீன் அண்ட் ஜெர்க் பிரிவில் 132 கிலோவும் தூக்கி, இரண்டு பிரிவுகளிலும் ஒட்டுமொத்த எடையிலும் புதிய சாதனைகளைப் படைத்தார்.
ஆஸ்திரேலியாவின் நியா ஃபேப் ஹேமன், ஒட்டுமொத்தமாக 218 கிலோ (ஸ்னாட்ச் 97 கிலோ + கிளீன் அண்ட் ஜெர்க் 121 கிலோ) தூக்கி வெண்கலப் பதக்கத்தைப் பெற்றார். இது இந்திய வீராங்கனை ஹர்ஜிந்தரை விட ஒன்பது கிலோ குறைவாகும்.
காமன்வெல்த் போட்டிகள் 2026-இல் பளுதூக்குதல் துறை மீண்டும் இந்தியாவின் மிக வெற்றிகரமான விளையாட்டுப் பிரிவாக உருவெடுத்துள்ளது, இதுவரை ஏழு பதக்கங்களை இந்தியா வென்றுள்ளது. பளுதூக்குதலில் இந்தியாவின் பதக்க வெற்றியாளர்கள்:
மீராபாய் சானு - தங்கம் (பெண்களுக்கான 48 கிலோ பிரிவு)
சனம்பம் ரிஷிகாந்தா சிங் - வெள்ளி (ஆண்களுக்கான 60 கிலோ பிரிவு)
ராஜா முத்துபாண்டி - வெள்ளி (ஆண்களுக்கான 65 கிலோ பிரிவு)
ஞானேஸ்வரி யாதவ் - வெள்ளி (பெண்களுக்கான 53 கிலோ பிரிவு)
வல்லூரி அஜய் பாபு - வெள்ளி (ஆண்களுக்கான 79 கிலோ பிரிவு)
பிந்த்யாராணி தேவி - வெண்கலம் (பெண்களுக்கான 58 கிலோ பிரிவு)
ஹர்ஜிந்தர் கவுர் - வெள்ளி (பெண்களுக்கான 69 கிலோ பிரிவு)