தமிழ்நாட்டில் தடம் பதிக்கும் வெளிநாட்டு பல்கலைக்கழகங்கள்

"கல்வி சிறந்த தமிழ்நாடு-புகழ் கம்பன் பிறந்த தமிழ்நாடு - நல்ல பல்விதமாயின சாத்திரத்தின் மணம் பாரெங்கும் வீசும் தமிழ்நாடு" என்று பாடினார் மகாகவி பாரதியார் அன்று. அவர் கண்ட கனவுப்படி இன்று தமிழ்நாட்டில் கல்வி மணம் வீசிக் கொண்டு இருக்கிறது.

417 என்ஜினீயரிங் கல்லூரிகள்

இதற்கு தமிழ்நாட்டில் அரசு அமைத்த முதல்-அமைச்சர்கள்தான் காரணம். கல்விக்கு நல்ல அடித்தளம் அமைய காரணமாக இருந்தவர் கல்விக்கண் திறந்த காமராஜர் அவர் பள்ளி இல்லாத கிராமமே இருக்கக்கூடாது என்ற லட்சியத்தின்படி ஊருக்கு ஒரு பள்ளிக்கூடம் இருக்க வேண்டும் என்பதற்கான விதையை விதைத்தார்.

தமிழ்நாட்டை சேர்ந்த மாணவர்கள் மட்டுமல்லாமல் வெளிமாநிலங்களை சேர்ந்த மாணவர்களும் என்ஜினீயரிங் படிக்க தமிழ்நாட்டைத் தேடி வரும் நிலை இருக்கிறது. அதுபோல முதல்-அமைச்சர்களாக இருந்த கருணாநிதியும், ஜெயலலிதாவும் எடுத்த நல்ல முயற்சிகள்தான் உயர்கல்வியில் அதிக மாணவர்கள் சேர்வதற்கான வழிகளை திறந்தது. இப்போது தமிழ்நாட்டில் இருந்து ஆண்டுதோறும் ஏராளமான மாணவர்களும், மாணவிகளும் உயர்படிப்புக்காக அமெரிக்கா, இங்கிலாந்து, ஆஸ்திரேலியா, ஜெர்மனி போன்ற பல நாடுகளுக்கு செல்வதைப் பார்க்க முடிகிறது.

அகில இந்திய அளவில் தமிழ்நாட்டில் இருந்துதான் கணிசமான எண்ணிக்கையில் மாணவர்கள் வெளிநாடுகளுக்கு செல்கிறார்கள். தமிழக மாணவர்கள் வெளிநாடுகளுக்கு செல்லும் நிலையை மாற்றும் வகையில் வெளிநாட்டு பல்கலைக்கழகங்கள் தமிழ்நாட்டில் தங்கள் வளாகங்களை அமைக்கவேண்டும் என்பதற்கான முயற்சிகள் கடந்த சில ஆண்டுகளாக மேற்கொள்ளப்பட்டன. குறிப்பாக முதல்-அமைச்சராக இருந்த மு.க.ஸ்டாலின் அதற்காக பல்வேறு நடவடிக்கைகளை எடுத்து வந்தார்.

ஆஸ்திரேலியா பல்கலைக்கழகம்

இந்த பல்கலைக்கழக வளாகத்தில் வணிக மேலாண்மை, கணினி அறிவியல், தரவு அறிவியல், செயற்கை நுண்ணறிவு சார்ந்த மேம்பட்ட கணினி அறிவியல் ஆகிய இளங்கலை படிப்புகளும் தகவல் தொழில்நுட்பம், வணிக நிர்வாகம் ஆகிய முதுகலை பட்டப்படிப்புகளும் இருக்கின்றன. இதற்கான மாணவர் சேர்க்கை ஆன்லைனில் நடந்து வருகிறது.

கைக்கு எட்டும் தூரத்தில்

வருகிற 19-ந்தேதி முதல் வகுப்புகள் தொடங்கப்பட இருக்கின்றன. இந்த பல்கலைக்கழகத்தில் ஆஸ்திரேலியாவின் உள்நாட்டு மாணவர்களுக்கு நிகரான கட்டணமே நிர்ணயிக்கப்பட்டுள்ளது. அதாவது ஆண்டுக்கு ரூ.14 லட்சம் முதல் ரூ.23 லட்சம் வரை கட்டணம் வசூலிக்கப்பட இருப்பதாக தமிழ்நாடு அரசு கல்லூரிகள் ஆசிரியர் சங்கம் கூறியிருக்கிறது.