தர்மன் 3வது ஷெட்யூலை முடித்த சூப்பர் ஸ்டார் ரஜினிகாந்த்.. சிம்புவோட அரசன் ஷூட்டிங் என்ன ஆச்சு?

சென்னை: 75 வயதில் செம எனர்ஜியாக ஜெயிலர் 2 வருவதற்கு முன்பாகவே தர்மன் படத்தின் மொத்த படத்தையும் முடித்து விடுவார் போல சூப்பர் ஸ்டார் ரஜினிகாந்த் என ரசிகர்கள் கொண்டாடி வருகின்றனர்.

ஜெயிலர் 2 படம் அடுத்த மாதம் அக்டோபர் 15ம் தேதி திரைக்கு வருகிறது. இன்னமும் படம் வர 15 நாட்கள் உள்ள நிலையில், சன் பிக்சர்ஸ் தீவிர புரமோஷனில் இறங்கியுள்ளது.

சூப்பர் ஸ்டார் ரஜினிகாந்தும் தர்மன் படத்தின் 3வது ஷெட்யூலை நேற்று நிறைவு செய்த நிலையில், சென்னையில் நடைபெறும் புரமோஷன் நிகழ்ச்சிகளில் பங்கேற்பார் என எதிர்பார்க்கப்படுகிறது.

தர்மன் 3வது ஷெட்யூல் ஓவர்: ராஜ்கமல் நிறுவனம் சிவகார்த்திகேயனின் சேயோன் மற்றும் ரஜினிகாந்தின் தர்மன் உள்ளிட்ட படங்களை ஒரே நேரத்தில் தயாரித்து வருகிறது. அஸ்வத் மாரிமுத்து டிராகன் படத்தின் வெற்றிக்குப் பிறகு சிம்பு படத்தை இயக்கும் வாய்ப்புக் கிடைத்தாலும், அரசன் படத்தை முடித்து விட்டுத் தான் சிம்பு வருவார் என்பதால் காத்திருந்த அவருக்கு தொக்கா தர்மன் படம் இயக்கும் வாய்ப்புக் கிடைத்த நிலையில், அதிரடியாக இதுவரை 3 ஷெட்யூல்களை முடித்து விட்டாராம். இன்னமும் அதிகபட்சம் 2 ஷெட்யூல் தான் இருக்கும் என்றும் அக்டோபர் இறுதிக்குள் படப்பிடிப்பு முடியும் என தகவல்கள் வெளியாகி உள்ளன.

பொங்கல் ரிலீஸ்: அடுத்த ஆண்டு பொங்கலுக்கு யாரும் வந்துடாதீங்க என்கிற ரேஞ்சுக்கு ரஜினிகாந்தின் தர்மன் படத்தின் வேலைகள் தீவிரப்படுத்தப்பட்டுள்ளன. அஸ்வத் மாரிமுத்து ரஜினிகாந்த், ராஷி கன்னா, ராம் பொத்தினேனி, சிம்ரன் உள்ளிட்டவர்களை வைத்து ஜெட் ஸ்பீடில் இந்த படத்தை பக்காவாக இயக்கி வருகிறார். ஜெயிலர் 2 ரிலீஸ் நெருங்கியுள்ளதால் அந்த படத்துக்கான வேலைகளை சன் பிக்சர்ஸும் தீவிரம் காட்டி வருகிறது.

அரசன் என்ன ஆனது?: வெற்றிமாறன் இயக்கத்தில் சிம்பு நடித்து வரும் அரசன் திரைப்படம் இந்த ஆண்டு தீபாவளிக்கு வெளியாகும் என முன்னதாக எதிர்பார்க்கப்பட்டது. ஆனால், அடுத்த ஆண்டு பொங்கலுக்கு கூட அரசன் படம் வெளியாகாது என்கின்றனர். 2 ஷெட்யூல் மட்டுமே முடிந்த நிலையில், வெற்றிமாறன் ராஜன் வகையறா படத்தை இயக்குவதில் பிசியாகி விட்டார் என்றும் சிம்புவின் அரசன் 3வது ஷெட்யூல் தொடங்கவே இன்னமும் ஒரு மாத காலம் ஆகும் என தகவல்கள் கசிந்துள்ளன.

சேயோன் vs அரசன்?: தனுஷின் ஓம் திரைப்படம் கிறிஸ்துமஸ் விடுமுறைக்கு வந்து விடும் என எதிர்பார்க்கப்படுகிறது. சேயோன் மற்றும் அரசன் படத்துக்கு இடையே கிளாஷ் ஏற்படுமா என்கிற கேள்விகளும் எழுந்துள்ளன. இந்த ஆண்டை போலவே அடுத்த ஆண்டும் தமிழ் சினிமாவில் ஏகப்பட்ட டாப் நடிகர்களின் படங்கள் வெளியாக காத்திருக்கின்றன.