ஆசிய கோப்பை 2026: இந்திய மகளிர் அணி அறிவிப்பு.. கேப்டனாக ஹர்மன்பிரீத் நியமனம்

ஆசிய கோப்பை 2026: இந்திய மகளிர் அணி அறிவிப்பு.. கேப்டனாக ஹர்மன்பிரீத் நியமனம்

மும்பை: மகளிர் ஆசிய கோப்பை 2026 கிரிக்கெட் தொடரில், இந்திய மகளிர் அணியின் கேப்டனாக ஹர்மன்பிரீத் கவுர் தொடர்ந்து நீடிப்பார் என்று அறிவிக்கப்பட்டுள்ளது. இந்தத் தொடர் ஆகஸ்ட் மாத இறுதி முதல் செப்டம்பர் 2வது வாரம் வரை நடைபெறவுள்ளது.

2026 மகளிர் ஆசியக் கோப்பை தொடருக்கான 15 பேர் கொண்ட இந்திய அணியை பிசிசிஐ ஆகஸ்ட் 2 அன்று அறிவித்தது. இந்த அணியில் டெல்லியைச் சேர்ந்த டாப்-ஆர்டர் பேட்டரான பிரத்திகா ராவல் உள்ளிட்ட ஐந்து பேர் மாற்று வீரர்களாகச் சேர்க்கப்பட்டுள்ளனர்.

சமீபத்தில் நடைபெற்ற ஐசிசி மகளிர் டி20 உலகக் கோப்பை 2026 போட்டியில் இந்திய அணி அரையிறுதிக்குத் தகுதி பெறத் தவறியதால், ஹர்மன்பிரீத்தின் கேப்டன்சி மீது விமர்சனங்கள் எழுந்தன. எனினும், பஞ்சாபின் மோகாவைச் சேர்ந்த இந்த வலது கை பேட்டர் தனது கேப்டன் பதவியைத் தக்கவைத்துள்ளார்.

அணியின் துணை கேப்டனாக நட்சத்திர பேட்டர் ஸ்மிருதி மந்தனா செயல்படவுள்ளார். மேலும், இந்திய அணியில் ஷஃபாலி வர்மா, ஜெமிமா ரோட்ரிக்ஸ், தீப்தி சர்மா, ரிச்சா கோஷ், ரேணுகா தாக்கூர், கிராந்தி கௌட் மற்றும் நந்தினி சர்மா போன்ற முன்னணி வீரர்கள் இடம் பெற்றுள்ளனர்.

ஆசியக் கோப்பை போட்டிக்கான இந்திய கிரிக்கெட் அணியில், கேப்டன் ஹர்மன்பிரீத் கவுர் மற்றும் துணை கேப்டன் ஸ்மிருதி மந்தனா ஆகியோருடன் ஷஃபாலி வர்மா, ஜெமிமா ரோட்ரிக்ஸ், பாரதி புல்மாலி ஆகியோர் பேட்டர்களாக இடம் பெற்றுள்ளனர். ஆல்-ரவுண்டர்களாக தீப்தி சர்மா, நந்தினி சர்மா மற்றும் கிராந்தி கௌட் ஆகியோர் தேர்வு செய்யப்பட்டுள்ளனர்.

விக்கெட் கீப்பர்களாக ரிச்சா கோஷ் மற்றும் ஜி. கமலினி ஆகியோரும், பந்துவீச்சாளர்களாக அருந்ததி ரெட்டி, பிரேமா ராவத், ராதா யாதவ், ஸ்ரீ சரணி மற்றும் ரேணுகா தாக்கூர் ஆகியோரும் அணியில் சேர்க்கப்பட்டுள்ளனர். ரிசர்வ் வீரர்கள்- பிரத்திகா ராவல், உமா செத்ரி (விக்கெட் கீப்பர்), வைஷ்ணவி சர்மா, சாயலி சத்காரே, மின்னு மணி.