ஆரோக்கியமான அரசியல் அல்ல: ராஜினாமா செய்த கையோடு தவெகவில் இணையும் அதிமுகவினர்
அதிமுகவை சார்ந்த எம்எல்ஏக்கள் ராஜினாமா செய்து அடுத்தடுத்து தமிழக வெற்றி கழகத்தில் இணைந்து வருகின்றனர். ராஜினாமா கடிதம் அளித்த கையோடு தவெகவில் அதிமுக முன்னாள் எம்எல்ஏக்கள் இணைவது கடுமையான விமர்சனங்களை கிளப்பியுள்ளது. விஜய் ஆட்சி அமைப்பதற்கு ஆதரவு தெரிவித்த கட்சிகளும் இதற்கு எதிராக குரல் கொடுத்து கொண்டிருக்கின்றனர். இந்நிலையில் சிபிஎம் மாநில செயலாளர் பெ. சண்முகம் இந்த விவகாரம் தொடர்பாக தனது எக்ஸ் தளத்தில் பதிவு ஒன்றினை பகிர்ந்துள்ளார்.அதிமுகவில் இரட்டை இலை சின்னத்தில் போட்டியிட்டு வெற்றி பெற்ற நான்கு எம்எல்ஏக்கள், தேர்தல் முடிவுகளுக்கு பின்பாக எஸ்.வேலுமணி தலைமையிலான அணியில் இணைந்தனர். தவெக அமைச்சரவையில் இடம் கிடைக்கும் என்பதற்காக காத்திருந்தனர். ஆனால் அதிமுக அதிருப்தி அணியை சார்ந்த யாருக்கும் அமைச்சரவையில் இடம் கிடைக்கவில்லை. இதனையடுத்து எஸ்.பி. வேலுமணி தரப்பில் இருக்கும் எம்எல்ஏக்கள் ஒவ்வொருவராக தங்களது பதவியை ராஜினாமா செய்து நேரடியாக தவெகவில் இணைந்து வருகின்றனர்.தொடர்ந்து இடைத்தேர்தலில் தவெக சார்பாக அதே தொகுதியில் போட்டியிட்டு, அமைச்சரவையில் அவர்கள் இடம்பெற வாய்ப்புள்ளதாக அரசியல் களத்தில் பரபரப்பாக பேசப்பட்டு வருகிறது. இதனிடையில் தவெக செய்து வரும் இந்த அரசியல் கடுமையான விமர்சனங்களையும் கிளப்பியுள்ளது. அந்த வகையில் மார்க்சிஸ்ட் கம்யூனிஸ்ட் கட்சியின் மாநில செயலாளர் பெ. சண்முகம் இது தொடர்பாக அறிக்கை ஒன்றை வெளியிட்டுள்ளார்.அதில், "அதிமுக மூலமாக சட்டப்பேரவை தேர்தலில் வெற்றி பெற்ற சில சட்டமன்ற உறுப்பினர்கள் திடீரென ராஜினாமா செய்துள்ளனர். அதோடு உடனடியாக அவர்கள் அனைவரும் தமிழக வெற்றி கழகத்தில் இணைவதும் தமிழ்நாட்டில் விவாத பொருளாக மாறியுள்ளது. தேர்தலுக்கு பின்பாக அதிமுகவில் அடுக்கடுக்கான குழப்பங்களும், கோஷ்டி மோதலும் ஏற்பட்டுள்ளதாக குறிப்பிட்டுள்ளவர், தற்போது ராஜினாமா சென்ற நிலைக்கு வந்துள்ளதாக தெரிவித்துள்ளார்.மேலும், ராஜினாமா செய்துள்ள எம்எல்ஏக்கள் தவெகவில் சேர்ந்திருப்பது அவர்கள் விரும்பி மேற்கொண்ட முடிவு என்பதை ஏற்றுக்கொள்ள முடியாது கூறியுள்ளார். அதாவது, எவ்வித எதிர்பார்ப்பும் இல்லாமல் தற்செயலாக நடந்த செயலாக இதனை கருதவில்லை. இத்தகைய போக்கு ஆரோக்கியமான அரசியலுக்கு ஏற்றது அல்ல என்பதை சுட்டிக்காட்டுவதாக அந்த அறிக்கையில் குறிப்பிடப்பட்டு இருக்கிறது.திமுக, விசிகவினர் இடையில் வெடித்த பயங்கர மோதல்: ஆ. ராசா போட்ட பதிவுஅதோடு, ஏற்கனவே தவெகவுக்கு ஆதராக சட்டப்பேரவையில் வாக்களித்த காரணத்திற்காக சட்ட ரீதியான நடவடிக்கைகளை எதிர்கொள்ள வேண்டிய நிலைக்கு அவர்கள் உள்ளாகியுள்ளனர். இருப்பினும் அவர்களை உடனடியாக தவெகவில் சேர்த்துக் கொள்வதன் மூலமாக, அதனை தவெக ஊக்குவிப்பதாகவே கருத வேண்டியா நிலை ஏற்படும் என விமர்சித்துள்ளார் பெ. சண்முகம். தொடர்ந்து ஆரோக்கியமான அரசியலுக்கு இந்த போக்கு ஏற்புடையது அல்ல என்பதை சிபிஎம் சுட்டிக்காட்டுவாத அந்த அறிக்கையில் தெரிவிக்கப்பட்டுள்ளது.தவெக ஆட்சி அமைப்பதற்கு வெளியில் இருந்த ஆதரவு தெரிவித்த சிபிஎம், அதே நிலைப்பாட்டில் உறுதியாக உள்ளது. இதனிடையில் தற்போது அதிமுகவில் இருந்து ராஜினாமா செய்பவர்களை தவெகவில் இணைப்பதை சிபிஎம் விமர்சித்துள்ளது அரசியல் களத்தில் கவனம் ஈர்த்து வருகிறது. மற்றொரு பக்கம் விடுதலை சிறுத்தைகள் கட்சியின் தலைவர் திருமாவளவன், தவெகவில் அதிமுக எம்எல்ஏக்கள் இணைவதை ஏற்க முடியாது. தமிழக வெற்றி கழகத்தின் எதிர்கால அரசியலுக்கு இது நல்லது அல்ல என அவர் கருத்து தெரிவித்துள்ளது குறிப்பிடத்தக்கது.