Astrology Tamil: ஜாதகத்தில் சனி பகவான் எந்த வீட்டில் அமர்ந்து இருக்கிறார்னு பாருங்க.! உங்களுக்கு என்ன பலன் கிடைக்கும்னு நாங்க சொல்றோம்.!

Astrology Tamil: ஜாதகத்தில் சனி பகவான் எந்த வீட்டில் அமர்ந்து இருக்கிறார்னு பாருங்க.! உங்களுக்கு என்ன பலன் கிடைக்கும்னு நாங்க சொல்றோம்.!

Astrology Tamil: சனி பகவான் ஒருவருடைய ஜாதகத்தில் 1 முதல் 12 வீடுகளில் எந்த வீட்டில் அமர்ந்திருக்கிறார் என்பதைப் பொறுத்து, அவரது வாழ்கை முறை மற்றும் பலன்கள் மாறுபடும். அதுகுறித்து இந்த பதிவில் விரிவாகப் பார்க்கலாம்.

சனி பகவான் ஜோதிடத்தில் முக்கிய கிரகமாக அறியப்படுகிறார். ஜாதகத்தில் சனி பகவான் ஆயுள், தொழில், கர்ம வினை மற்றும் ஒழுக்கத்திற்கு அதிபதியாகக் கருதப்படுகிறார். அவர் ஒருவருடைய ஜாதகத்தில் 1 முதல் 12 வீடுகளில் எந்த வீட்டில் அமர்ந்திருக்கிறார் என்பதைப் பொறுத்து, அவரது வாழ்கை முறை மற்றும் பலன்கள் மாறுபடும். உங்கள் ஜாதகக் கட்டத்தில் லக்னத்திற்கு எத்தனையாவது வீட்டில் சனி இருக்கிறார் என்று பாருங்கள். அதற்கான பொதுவான பலன்களை இந்த பதிவில் பார்க்கலாம்.

இதையும் படியுங்கள் - Numerology: இந்த தேதிகளில் பிறந்தவர்கள் ஒழுக்கமாகவும், சுய கட்டுப்பாடோட இருப்பாங்களாம்.! நீங்க பிறந்த தேதி இருக்கா?

1-ஆம் வீடு (லக்னம் - உடல், குணம்)

சனி பகவான் லக்னத்தில் (முதல் வீடு) இருந்தால், நீங்கள் மிகவும் பொறுமையானவராகவும், முதிர்ந்த சிந்தனை கொண்டவராகவும் இருப்பீர்கள். எதையும் யோசித்து நிதானமாகவே செய்வீர்கள். இளமைக் காலத்தில் சற்று போராட்டங்கள் இருந்தாலும், கடின உழைப்பால் பிற்காலத்தில் பெரிய நிலையை அடைவீர்கள்.

இதையும் படியுங்கள் - Vedic Astrology: இடம் மாறும் குரு பகவான்.! குரு பெயர்ச்சியால் கோடீஸ்வர யோகம் பெறும் 5 அதிர்ஷ்ட ராசிகள்.!

2-ஆம் வீடு (தனம், குடும்பம், வாக்கு)

சனி பகவான் தனம், வாக்கு, குடும்ப ஸ்தானத்தில் (இரண்டாவது வீடு) இருந்தால் குடும்பப் பொறுப்புகள் சிறு வயதிலேயே உங்கள் தோளில் விழலாம். பண வரவு சற்று தாமதமாக வந்தாலும், சேமிப்பு பழக்கம் நன்றாக இருக்கும். தேவையில்லாமல் யாருக்கும் வாக்கு கொடுக்கக் கூடாது.

இதையும் படியுங்கள் - Astrology Tamil: சுக்கிர புத்தி ஆரம்பம்.! அடுத்த 6 மாதம் 5 ராசிகளுக்கு ராஜயோகம்.! இனி இவர்கள் தொட்டதெல்லாம் தங்கமாகும்.!

3-ஆம் வீடு (வீரியம், இளைய சகோதரம், தைரியம்)

சனி பகவான் தைரிய ஸ்தானத்தில் (மூன்றாம் வீடு) இருப்பது மிகவும் விசேஷமானது. உங்களுக்கு அசாத்திய தைரியமும், தன்னம்பிக்கையும் இருக்கும். இளைய சகோதரர்களுடன் கருத்து வேறுபாடுகள் வரலாம், ஆனால் சமூகத்தில் நல்ல புகழும், வெற்றியும் தேடி வரும்.

இதையும் படியுங்கள் - Astrology Tamil: இந்த 5 ராசியில் பிறந்தவர்களுக்கு எதிரிகள் அதிகம் இருப்பார்களாம்.! உங்க ராசி இருக்கா?

4-ஆம் வீடு (தாய், சுகம், வாகனம், வீடு)

சனி பகவான் சுக ஸ்தானத்தில் (நான்காம் வீடு) இருந்தால் வீடு, வாகனம் போன்ற சொத்துக்கள் அமைவதில் சற்று தாமதம் ஏற்படலாம். தாயாரின் உடல் நலத்தில் அக்கறை தேவை. சொந்த ஊரை விட்டு வெளியூரில் தங்கிப் படிக்கும் அல்லது வேலை பார்க்கும் சூழ்நிலை உருவாகலாம்.

5-ஆம் வீடு (பூர்வ புண்ணியம், புத்திர பாக்கியம், அறிவு)

சனி பகவான் பூர்வ புண்ணிய ஸ்தானத்தில் (ஐந்தாம் வீடு) இருந்தால் குழந்தை பிறப்பதில் சற்று தாமதம் ஏற்படலாம் அல்லது குழந்தைகளின் வளர்ச்சிக்கு அதிகப் பொறுப்பேற்க வேண்டி வரும். பூர்வீக சொத்துக்கள் கிடைப்பதில் இழுபறி இருக்கும். எனினும், ஆன்மீகத்தில் நல்ல ஈடுபாடு இருக்கும்.

6-ஆம் வீடு (ருண, ரோக, சத்ரு ஸ்தானம்)

சனி பகவான் சத்ரு ஸ்தானத்தில் (ஆறாம் வீடு) அமர்வது மகா அசுப யோகம் என்று சொல்லப்படும். உங்கள் எதிரிகள் தானாகவே அழிந்து போவார்கள். கடன் மற்றும் நோய்களை வெல்லும் தைரியம் கிடைக்கும். உத்தியோகத்தில் பெரிய அதிகாரமிக்க பதவிகள் தேடி வரும்.

7-ஆம் வீடு (களத்திர ஸ்தானம், திருமணம், கூட்டுத்தொழில்)

சனி பகவான் களத்திர ஸ்தானத்தில் (ஏழாம் வீடு) திக்பலம் பெறுகிறார். இதன் காரணமாக திருமணம் சற்று தாமதமாக நடக்க வாய்ப்புண்டு. ஆனால், முதிர்ச்சியான, பொறுப்பான வாழ்க்கைத்துணை அமைவார். கூட்டுத் தொழிலில் வெளிப்படைத்தன்மை அவசியம்.

8-ஆம் வீடு (ஆயுள் ஸ்தானம்)

சனி பகவான் ஆயுள் ஸ்தானத்தில் (எட்டாம் வீடு) இருந்தால் தீர்க்க ஆயுள் கிடைக்கும் (அஷ்டம சனியாக இல்லாத பட்சத்தில்). திடீர் அதிர்ஷ்டங்கள், இன்சூரன்ஸ் அல்லது உயில் மூலமாகப் பணம் கிடைக்க வாய்ப்புண்டு. நேர்மையான வழியில் நடப்பது ஆபத்துகளைத் தவிர்க்கும்.

9-ஆம் வீடு (பாக்ய ஸ்தானம், தந்தை, தர்மம்)

சனி பகவான் பாக்ய ஸ்தானத்தில் (ஒன்பதாம் வீடு) இருந்தால் தந்தையுடன் கருத்து வேறுபாடுகள் வரலாம். ஆன்மீகப் பயணங்கள் மற்றும் தர்ம காரியங்களில் ஈடுபாடு அதிகரிக்கும். வாழ்க்கையின் பிற்பாதியில் (30 வயதுக்கு மேல்) அதிர்ஷ்டமும், பெரும் பொருளாதார வளர்ச்சியும் உண்டாகும்.

10-ஆம் வீடு (கர்ம ஸ்தானம், தொழில்)

சனி பகவான் கர்ம ஸ்தானத்தில் (பத்தாம் வீடு) இருப்பது மிகப் பெரிய யோகம். ஆரம்பத்தில் வேலைக்காகக் கடுமையாக உழைக்க வேண்டி இருக்கும். ஆனால், உழைப்பிற்கு ஏற்ற உன்னத பதவியும், சொந்தத் தொழில் செய்யும் யோகமும், தொழிலாளர்களை வழிநடத்தும் தலைவன் ஆகும் தகுதியும் தேடி வரும்.

11-ஆம் வீடு (லாப ஸ்தானம்)

சனி பகவான் லாப ஸ்தானத்தில் (11-ஆம் வீடு) இருந்தால் எண்ணற்ற லாபங்கள் தேடி வரும். தொழிலில் மிகப்பெரிய வெற்றி கிடைக்கும். மூத்த சகோதரர்களின் ஆதரவு கிடைக்கும். உங்களின் நீண்ட நாள் ஆசைகள் மற்றும் லட்சியங்கள் அனைத்தும் நிறைவேறும்.

12-ஆம் வீடு (அயன, சயன, விரய ஸ்தானம்)

சனி பகவான் விரய ஸ்தானத்தில் (12-ஆம் வீடு) இருந்தால் தேவையற்ற செலவுகள் வந்து கொண்டே இருக்கும். இந்த செலவுகளை சுபச் செலவுகளாக மாற்றுவது நல்லது. ஆன்மீகம், தியானம் போன்றவற்றில் நாட்டம் அதிகரிக்கும். வெளிநாடு செல்லும் யோகம் சிலருக்கு உண்டாகலாம்.