📅 Monday, 16 November 2026 IST | ஐப்பசி 30, பராபவ வருடம்
Tamilzha Alt Logo Text சார்பற்ற நடுநிலைச் செய்திகள்
முக்கிய செய்திகள்
Politics September 08, 2026 12:03 AM

சட்டசபையில் திமுக எம்எல்ஏவுக்கு உதவிக்கரம்; விஜய் செய்த செயல் இணையத்தில் வைரல்

சட்டசபையில் திமுக எம்எல்ஏவுக்கு உதவிக்கரம்; விஜய் செய்த செயல் இணையத்தில் வைரல்

சென்னை: சட்டசபையில் திமுக எம்எல்ஏவை கைத்தாங்கலாக தூக்கிவிட்டு முதல்வர் விஜய் உதவிய செயல் கவனம் பெற்றுள்ளது. பேச வாய்ப்பு கேட்டு அமளியில் ஈடுபட்ட போது இந்த சம்பவம் நிகழ்ந்துள்ளது.

சட்டசபையில் மானியக் கோரிக்கை மீதான விவாதத்தில் முதல்வர் விஜய் பதிலுரையின் போது திமுக மீது பல்வேறு குற்றச்சாட்டுகளை முன்வைத்தார். இதற்கு எதிர்க்கட்சியினர் எதிர்ப்பு தெரிவித்து சபாநாயகர் இருக்கை முன்பு அமர்ந்து தர்ணாவில் ஈடுபட்டனர். அப்போது கீழே இருந்து எழுந்திருக்கச் சிரமப்பட்ட திமுக எம்எல்ஏ துரை சந்திரசேகரனை, முதல்வர் விஜய் கைப்பிடித்துத் தூக்கி உதவினார்.

இந்த நிகழ்வு பலரால் பாராட்டப்பட்டு, சமூக வலைத்தளங்களில் வைரலாகப் பரவி வருகிறது. அமைச்சர் ஆதவ் உள்ளிட்ட அமைச்சர்கள் இதற்கு கைதட்டி பாராட்டு தெரிவித்தனர். திமுக எம்எல்ஏவுக்கு முதல்வர் விஜய் கைகொடுத்து தூக்கிவிட்ட வீடியோ இணையத்தில் வைரலாகி வருகிறது.

பேச வாய்ப்பு, கொடுங்க வாய்ப்பு கொடுங்க என கேட்டு திமுகவினர் அமளி செய்தனர். உடனே... 'வாய்ப்பு தான் கொடுங்களே' என சபாநாயகரிடம் முதல் விஜய் வலியுறுத்தினார். உடனே திமுக எம்எல்ஏக்களை இருக்கையில் அமர வேண்டும் என சபாநாயகர் ஜேசிடி பிரபாகர் அறிவுறுத்தினார். ஆனாலும் அதையும் கண்டு கொள்ளாமல் சிறிது நேரத்தில் திமுக எம்எல்ஏக்கள் சட்டசபையில் இருந்து வெளிநடப்பு செய்தனர்.