Con City Celebrity Review: கலையரசன் முதல் யூடியூபர் இர்பான் வரை.. கான் சிட்டி பிரபலங்கள் விமர்சனம்!

சென்னை: இயக்குநர் ஹரிஷ் துரைராஜ் இயக்கத்தில் அர்ஜுன் தாஸ், அன்னா பென், வடிவுக்கரசி, ராதாரவி, யோகி பாபு உள்ளிட்ட பலர் நடிப்பில் வரும் ஜூன் 26ம் தேதி திரையரங்குகளில் 'கான் சிட்டி' (Con City) திரைப்படம் வெளியாக காத்திருக்கிறது. அந்த படத்தின் ப்ரீமியர் ஷோ நேற்று இரவு சத்யம் தியேட்டரில் போடப்பட்ட நிலையில், பல செலிபிரிட்டிகள் படத்தை பார்த்து பாராட்டியுள்ளனர்.

கைதி, மாஸ்டர், விக்ரம் உள்ளிட்ட படங்களில் நெகட்டிவ் ரோலில் நடித்து வந்த அர்ஜுன் தாஸ் அநீதி, போர், ரசவாதி, பாம் உள்ளிட்ட படங்களில் ஹீரோவாக நடித்து வருகிறார். அஜித் குமாரின் குட் பேட் அக்லி படத்தில் டபுள் ரோலில் வில்லத்தனத்தில் மீண்டும் மிரட்டிய அர்ஜுன் தாஸ், ஹீரோவாக தனக்கு ஒரு சரியான படம் அமைய வேண்டும் என எதிர்பார்த்துக் கொண்டிருந்த நிலையில், கான் சிட்டி படம் அப்படிப்பட்ட ஒரு படமாக மாறியுள்ளது என பல பிரபலங்கள் வாழ்த்தி வருகின்றனர்.

இயக்குநர் ஹரிஷ் துரைராஜ் சில ஸ்கேம்களை கையில் எடுத்துக் கொண்டு ஒரு பக்கா ஃபிராடு குடும்பத்திற்கு ஒரு பிரச்னை வர அவர்கள் என்ன செய்தார்கள் என்பதை திரையில் காட்டி ரசிகர்களை அடிக்கடி சிரிக்க வைத்து கடைசி வரை எண்டர்டெயின் செய்துள்ளார் என பிரபலங்கள் கொடுத்துள்ள விமர்சனங்களை இங்கே பார்க்கலாம் வாங்க..

கலையரசன் விமர்சனம்: அர்ஜுன் தாஸ் ஒரு வித்தியாசமான ஸ்கேம் கதையை கையில் எடுத்துக் கொண்டு இதுவரை வில்லனாக நடித்ததை எல்லாம் மறக்கும் அளவுக்கு பக்காவான ஹீரோ மெட்டீரியலாக இந்த படத்தில் மாறியுள்ளார் என்று பாராட்டியுள்ளார். இயக்குநர் ஹரிஷ் துரைராஜின் இயக்கம் எந்த இடத்திலும் போர் அடிக்காமல், கடைசி வரை ரசிகர்களை கலகலப்பாக வைத்துக் கொண்டதே படத்தின் வெற்றிக்கு காரணம் என்றும் இந்த படத்தை பொதுமக்கள் மற்றும் ரசிகர்கள் சப்போர்ட் செய்து வெற்றிப் படமாக மாற்ற வேண்டும் என்கிற கோரிக்கையையும் முன் வைத்துள்ளார்.

அஞ்சனா ரங்கன் பாராட்டு: விஜே அஞ்சனா ரங்கன் படத்தை பார்த்து விட்டு ரொம்பவே சிரித்து என்ஜாய் பண்ணேன். படம் கடைசி வரை செமையா இருந்துச்சு, படத்தில் நடித்துள்ள அர்ஜுன் தாஸ், அன்னா பென், வடிவுக்கரசி அம்மா, யோகி பாபு என எல்லாருமே பட்டாசு கிளப்பி விட்டனர். கண்டிப்பாக குடும்பத்துடன் இந்த படத்தை தாராளமாக தியேட்டரில் பார்க்கலாம் என்றும் கூறினார்.

யூடியூபர் இர்ஃபான் ரிவ்யூ: வித விதமான உணவுகளை உண்டு ரிவ்யூ செய்து வந்த யூடியூபர் இர்ஃபான் கான் சிட்டி படத்தை பார்த்துவிட்டு ஃபர்ஸ்ட் ஹாஃப் செம க்ரிப்பாக சென்றது. 2வது பாதியில் வந்த காமெடி காட்சிகளை ரொம்பவே ரசித்து சிரித்துப் பார்த்தேன் என அவரும் பாசிட்டிவ் விமர்சனத்தைக் கொடுத்தார். மேலும், சினிமா பிரபலங்கள், படக்குழுவினர் என பலரும் கான் சிட்டி படம் ரசிகர்களை நிச்சயம் கவரும் என உறுதியளித்துள்ளனர். இந்த வாரம் தியேட்டரில் கான் சிட்டி கல்லா கட்டுமா என்பதை வெயிட் பண்ணி பார்ப்போம்.