📅 Wednesday, 18 November 2026 IST | கார்த்திகை 2, பராபவ வருடம்
Tamilzha Alt Logo Text சார்பற்ற நடுநிலைச் செய்திகள்
முக்கிய செய்திகள்
Politics June 25, 2026 09:02 AM

CPIM Shanmugam: மேகதாது அணை விவகாரம்.. திமுக செய்த மிகப்பெரிய தப்பு.. போட்டுடைத்த சண்முகம்!

CPIM Shanmugam: மேகதாது அணை விவகாரம்.. திமுக செய்த மிகப்பெரிய தப்பு.. போட்டுடைத்த சண்முகம்!

CPIM Shanmugam: மேகதாது அணை விவகாரம்.. திமுக செய்த மிகப்பெரிய தப்பு.. போட்டுடைத்த சண்முகம்!

காவிரி போன்ற முக்கியத்துவமான பிரச்சினைகளில், வழக்கமாக அனைத்துக் கட்சிக் கூட்டத்தைக் கூட்டி, ஒருமித்த கருத்தை உருவாக்குவதே அரசின் கடமையாகும். அதனை திமுக செய்யவில்லை என சண்முகம் சாடியுள்ளார்.

மேகதாது விவகாரம் இந்த அளவுக்கு செல்ல கடந்த திமுக ஆட்சியில் நடந்த ஒரு சம்பவமே காரணம் என மார்க்சிஸ்ட் கம்யூனிஸ்ட் கட்சியின் மாநில பொதுச்செயலாளர் சண்முகம் கடுமையாக விமர்சித்துள்ளார்.

மேகதாது அணை விவகாரம் - தனித்தீர்மானம்

கர்நாடகா மாநில அரசு காவிரி ஆற்றின் குறுக்கே மேகதாது அணை கட்டியே தீருவோம் என உறுதியாக உள்ளது. அப்படி நடந்ததால் தமிழ்நாட்டில் மிகப்பெரிய அளவில் பாதிப்பு ஏற்படும் தொடர்ச்சியாக தமிழ்நாடு அரசு எச்சரிக்கை விடுத்து வருகிறது. இந்த நிலையில் புதிதாக பொறுப்பேற்ற தவக அரசின் முதலமைச்சர் விஜய், கர்­நா­டக அரசு மேக­தாது அணை­யைக் கட்­டக் கூடாது என சட்டமன்றத்தின் தனித்தீர்மானம் கொண்டு வந்தார்.

அப்போது இதன்மீது பேசிய எதிர்க்கட்சித்தலைவர் உதயநிதி ஸ்டாலின், புதிய நடு­வர் மன்­றம் அமைக்க வேண்­டும் என்ற கருத்­தை சொல்ல, அதனை தீர்மானத்தில் தமிழ்நாடு அரசு சேர்த்துக் கொண்டது. குரல் வாக்கெடுப்பு மூலம் இந்த தனித்தீர்மானம் ஒருமனதாக நிறைவேறியது. ஆனால் நடுவர் மன்றம் விவகாரம் தொடர்பாக மார்க்சிஸ்ட் கம்யூனிஸ்ட் கட்சி மாநிலச் செயலாளர் சண்முகம் எதிர்ப்பு தெரிவித்தார். இதனை பெயர் குறிப்பிடாமல் திமுகவின் அதிகாரப்பூர்வ நாளேடான முரசொலி விமர்சித்து தலையங்கம் எழுதியிருந்தது.

திமுக செய்த தப்பு தான் காரணம்

இதனை குறிப்பிட்டு சண்முகம் வெளியிட்டுள்ள எஸ்க் வலைத்தளப் பதிவில், முரசொலி நாளிதழின் தலையங்கம், புதிதாக ஒரு நடுவர் மன்றம் அமைப்பதை விமர்சிப்பது தமிழ்நாட்டின் ஒற்றுமை உணர்வைச் சிதைத்துவிடும் என்று கூறுகிறது. மேலும், தமிழ்நாடு ஒற்றுமையாக இல்லை என்று கர்நாடக அரசும், ஒன்றிய அரசும் நினைப்பதற்கு இது வழிவகை செய்யும் என்றும், இதனால் மாநில நலனுக்குக் குந்தகம் விளைவிக்கும் வகையில் நடந்துகொள்ளக் கூடாது என்றும் குறிப்பிட்டு, நடுவர் மன்றத்தை விமர்சிக்கும் கட்சிகள் மீது மொத்தப் பழியையும் போடுகிறது.

ஆனால், இந்த நிலைக்கு யார் உண்மையான காரணம்?.. காவிரி போன்ற முக்கியத்துவமான பிரச்சினைகளில், வழக்கமாக அனைத்துக் கட்சிக் கூட்டத்தைக் கூட்டி, ஒருமித்த கருத்தை உருவாக்குவதே அரசின் கடமையாகும். திமுக ஆட்சியில் கூட கடந்த காலங்களில் அவ்வாறு நடத்தப்பட்டுள்ளது. ஆனால், புதிய கருத்தை தானடித்த மூப்பாக கடந்த மார்ச் 4ம் தேதி அன்று மத்திய அரசுக்கு திமுக ஆட்சியில் கடிதம் எழுதியதுதான் இத்தகைய நிலைமைக்கு முதல் காரணம்.

இதையும் படிங்க: MK Stalin: உசுப்பேற்றிய விஜய்.. கொதித்த திமுகவினர்.. மீண்டும் சட்டமன்றம் வரும் மு.க.ஸ்டாலின்!

இதனை மக்களுக்கு வெளிப்படுத்தாமல் மறைக்க வேண்டிய அவசியம் என்ன என்பது குறித்து விளக்கம் அளிக்கத் தயாரா? மேகேதாட்டு அணை தொடர்பாகத் தற்போது பிரச்சினை எழுந்தபோது, எங்களைப் போன்றவர்கள் அனைத்துக் கட்சிக் கூட்டத்தைக் கூட்ட வேண்டும் என்று கோரிக்கை விடுத்தோம். அப்போதே அக்கூட்டம் நடத்தப்பட்டிருந்தால், இப்போது இப்படி ஒரு நிலை உருவாகி இருக்காது. 'முதல் கோணல் முற்றிலும் கோணல்' என்ற கதைக்கு ஏற்பவே இப்போதைய நிலைமை உள்ளது” என தெரிவித்துள்ளார்.

தலைப்பு செய்திகள்

ஃபோட்டோ கேலரி