📅 Monday, 16 November 2026 IST | ஐப்பசி 30, பராபவ வருடம்
Tamilzha Alt Logo Text சார்பற்ற நடுநிலைச் செய்திகள்
முக்கிய செய்திகள்
Sports June 13, 2026 10:30 PM

IND vs AFG: ஆப்கான் பந்துவீச்சை சிதறடித்த கில்

IND vs AFG: ஆப்கான் பந்துவீச்சை சிதறடித்த கில்

IND vs AFG: ஆப்கான் பந்துவீச்சை சிதறடித்த கில்-ராகுல் கூட்டணி: இந்தியா அபார வெற்றி!

தர்மசாலா: ஆப்கானிஸ்தானுக்கு எதிரான முதல் ஒருநாள் போட்டியில் இந்திய அணி 7 விக்கெட்டுகள் வித்தியாசத்தில் அபார வெற்றி பெற்றுள்ளது. இதன் மூலம் மூன்று போட்டிகள் கொண்ட இந்த ஒருநாள் தொடரில் இந்தியா 1-0 என்ற கணக்கில் முன்னிலை பெற்றுள்ளது.

இப்போட்டியில் முதலில் பேட்டிங் செய்த ஆப்கானிஸ்தான் அணி, விக்கெட் கீப்பர்-பேட்ஸ்மேன் ரஹ்மானுல்லா குர்பாஸின் அதிரடி ஆட்டத்தால் வலுவான நிலையை நோக்கி நகர்ந்தது. குர்பாஸ் வெறும் 51 பந்துகளில் 102 ரன்கள் குவித்து அசத்தினார். இருப்பினும், இந்திய பந்துவீச்சாளர்களின் துல்லியமான பந்துவீச்சால் ஆப்கானிஸ்தான் அணி 24.5 ஓவர்களில் 194 ரன்களுக்கு அனைத்து விக்கெட்டுகளையும் இழந்தது.

இந்திய அணி தரப்பில் அறிமுக வீரர்களாக களம் இறங்கிய குர்னூர் பிரார் மற்றும் ஹர்ஷ் துபே தலா 3 விக்கெட்டுகளை வீழ்த்தி அசத்தினர். இவர்களுடன் இடதுகை வேகப்பந்து வீச்சாளர் அர்ஷ்தீப் சிங் மற்றும் ஆல்-ரவுண்டர் நிதிஷ் குமார் ரெட்டி ஆகியோர் தலா 2 விக்கெட்டுகளைக் கைப்பற்றி ஆப்கானிஸ்தான் அணியின் ரன் குவிப்பைக் கட்டுப்படுத்தினர்.

195 ரன்கள் என்ற இலக்குடன் களம் இறங்கிய இந்திய அணிக்கு தொடக்க ஆட்டக்காராரும் கேப்டனுமான சுப்மன் கில் சிறப்பான அடித்தளம் அமைத்தார். ரோகித் சர்மா 12 ரன்களில் ரன் அவுட்டாக, 3வது வீரராக கோலி இடத்தில் விளையாடிய இசான் கிசன் 22 பந்துகளில் 34 ரன்கள் எடுத்து ஆட்டமிழந்தார். பெரிதும் எதிர்பார்க்கப்பட்ட ஸ்ரேயாஸ் ஐயர் 12 ரன்களில் கேட்ச் ஆனார்.

பொறுப்புடன் விளையாடிய கில் 66 பந்துகளில் 84 ரன்கள் எடுத்து இறுதிவரை ஆட்டமிழக்காமல் களத்தில் இருந்தார். அவருக்குப் பின்னால் வந்த ஸ்ரேயாஸ் ஐயர், ஜியாவூர் ரஹ்மான் பந்துவீச்சில் ஆட்டமிழந்தார். இது ஜியாவூர் ரஹ்மானின் முதலாவது சர்வதேச ஒருநாள் விக்கெட்டாகும்.

அதன்பின் கில்லுடன் ஜோடி சேர்ந்த கே.எல். ராகுல் மைதானத்தின் நாலாபுறமும் பந்துகளை சிதறடித்தார். வெறும் 19 பந்துகளில் 39 ரன்கள் குவித்த ராகுல், ஜியாவூர் ரஹ்மான் மற்றும் அஸ்மதுல்லா உமர்சாய் ஆகியோரின் பந்துவீச்சில் சிக்சர்களையும் பவுண்டரிகளையும் பறக்கவிட்டு ஆட்டத்தை விரைவாக முடிவுக்குக் கொண்டு வந்தார்.

இறுதியாக இந்திய அணி 22.5 ஓவர்களில் 3 விக்கெட்டுகளை மட்டுமே இழந்து இலக்கை எட்டி அமோக வெற்றி பெற்றது.இந்தத் தொடரின் இரண்டாவது ஒருநாள் போட்டி வரும் புதன்கிழமை (ஜூன் 17) லக்னோவில் உள்ள பாரத ரத்னா ஸ்ரீ அடல் பிஹாரி வாஜ்பாய் ஏகானா கிரிக்கெட் மைதானத்தில் நடைபெறவுள்ளது.