📅 Tuesday, 17 November 2026 IST | கார்த்திகை 1, பராபவ வருடம்
Tamilzha Alt Logo Text சார்பற்ற நடுநிலைச் செய்திகள்
முக்கிய செய்திகள்
Sports June 17, 2026 04:30 PM

IND vs AFG: ரோகித் சர்மா மீண்டும் சாதனை.. சிக்சர்களை பறக்கவிட்டு அபாரம்

IND vs AFG:  ரோகித் சர்மா மீண்டும் சாதனை.. சிக்சர்களை பறக்கவிட்டு அபாரம்

IND vs AFG: ரோகித் சர்மா மீண்டும் சாதனை.. சிக்சர்களை பறக்கவிட்டு அபாரம்

லக்னோ: இந்திய அணியின் தொடக்க ஆட்டக்காரர் ரோஹித் சர்மா, அடுத்தடுத்து இரண்டு சிக்ஸர்களை விளாசி, லிஸ்ட் ஏ (List A) கிரிக்கெட்டில் 14,000 ரன்கள் என்ற புதிய மைல்கல்லை எட்டியுள்ளார். லக்னோவில் உள்ள ஏகானா கிரிக்கெட் மைதானத்தில் ஆப்கானிஸ்தான் அணிக்கு எதிராக நடைபெற்ற இரண்டாவது ஒருநாள் போட்டியில் அவர் இந்த சாதனையைப் படைத்தார்.

ஆட்டத்தின் நான்காவது ஓவரில், முகமது சலீம் சாஃபி வீசிய பந்தை எதிர்கொண்ட ரோஹித் சர்மா, அதை லாவகமாக புல் ஷாட் (pull shot) மூலம் மிட்-விக்கெட்டுக்கு மேல் சிக்ஸராக மாற்றினார். அதைத் தொடர்ந்து வீசப்பட்ட அடுத்த பந்தையும் டீப் பேக்வர்ட் ஸ்கொயர் லெக் திசையில் சிக்ஸருக்குப் பறக்கவிட்டு அசத்தினார். இந்தப் போட்டிக்கு முன்னதாக, ரோஹித் சர்மா 356 லிஸ்ட் ஏ போட்டிகளில் விளையாடி, 46.78 சராசரியுடன் 13,990 ரன்கள் எடுத்திருந்தார். இதில் 37 சதங்களும் 74 அரைசதங்களும் அடங்கும்.

சரிவிலிருந்து மீட்ட ரோஹித் - கில் கூட்டணி

இப்போட்டியில் முதலில் பேட்டிங் செய்த இந்திய அணிக்கு ஆரம்பம் சாதகமாக அமையவில்லை. யஷஸ்வி ஜெய்ஸ்வால் ஒன்பது பந்துகளில் வெறும் நான்கு ரன்கள் மட்டுமே எடுத்து ஆட்டமிழந்தார். இதையடுத்து ஜோடி சேர்ந்த ரோஹித் சர்மாவும் ஷுப்மன் கில்லும் இந்திய அணியை சரிவிலிருந்து மீட்டனர். நான்காவது ஓவரில் ரோஹித் சர்மா இரண்டு சிக்ஸர்களை விளாசி அதிரடி காட்ட, அடுத்த ஓவரில் ஷுப்மன் கில், அல்லாஹ் கஜன்ஃபரின் பந்துவீச்சில் மூன்று பவுண்டரிகளை அடித்து ரன் வேகத்தை உயர்த்தினார்.

இந்த ஜோடியின் சிறப்பான ஆட்டத்தால் பவர்பிளேயின் முடிவில் இந்திய அணி 1 விக்கெட் இழப்பிற்கு 80 ரன்களை எட்டியது.13 ஓவர்கள் முடிவில் இந்திய அணி 1 விக்கெட் இழப்பிற்கு 96 ரன்கள் எடுத்திருந்தது. அப்போது ரோஹித் சர்மா 48 ரன்களுடனும், ஷுப்மன் கில் 42 ரன்களுடனும் களத்தில் இருந்தனர். அரைவதம் எடுப்பார் என எதிர்பார்க்கப்பட்ட நிலையில் ரஷித் கான் பந்துவீச்சில் அரைசதம் அடிக்காமல் ஆட்டமிழந்தார்.

தர்மசாலாவில் நடைபெற்ற முதல் ஒருநாள் போட்டியில் வெற்றி பெற்றிருந்த இந்திய அணி, இந்த ஆட்டத்திலும் வெற்றி பெற்று தொடரில் 2-0 என்ற கணக்கில் முன்னிலை பெற வாய்ப்புள்ளது. முதல் போட்டியில் 195 ரன்கள் இலக்கை துரத்திய இந்திய அணி 7 விக்கெட் வித்தியாசத்தில் வெற்றி பெற்றது. அதில் ஷுப்மன் கில் ஆட்டமிழக்காமல் 84 ரன்கள் எடுத்து அணிக்கு வெற்றியைத் தேடித்தந்தது குறிப்பிடத்தக்கது.