IND vs ZIM 3வது டி20.. பிளேயிங் லெவனில் இருந்து சிவம் துபே நீக்கம்.. உள்ளே வந்த இரு இளம் வீரர்கள்
IND vs ZIM 3வது டி20.. பிளேயிங் லெவனில் இருந்து சிவம் துபே நீக்கம்.. உள்ளே வந்த இரு இளம் வீரர்கள்
ஹராரே: ஜிம்பாப்வேக்கு எதிரான 3வது மற்றும் கடைசி டி20 போட்டியில் டாஸ் வென்ற இந்திய அணி முதலில் பேட்டிங் செய்ய முடிவு செய்தது. இந்தப் போட்டிக்கான இந்திய பிளேயிங் லெவனில் இருந்து ஆல்-ரவுண்டர் சிவம் துபே அதிரடியாக நீக்கப்பட்டுள்ளார்.
ஹராரே ஸ்போர்ட்ஸ் கிளப் மைதானத்தில் நடைபெறும் இந்தப் போட்டியில் டாஸ் வென்ற இந்திய கேப்டன் ஸ்ரேயாஸ் ஐயர் முதலில் பேட்டிங்கைத் தேர்வு செய்தார். கடந்த போட்டிகளில் ரன் குவிக்காத சிவம் துபே பிளேயிங் லெவனில் இருந்து அதிரடியாக நீக்கப்பட்டு, அவருக்குப் பதிலாக இளம் வீரர் சூர்யான்ஷ் ஷெட்கேவிற்கு வாய்ப்பு அளிக்கப்பட்டுள்ளது.
அதேபோல், 2வது போட்டியில் காயமடைந்து வெளியேறிய வேகப் பந்துவீச்சாளர் பிரின்ஸ் யாதவிற்குப் பதிலாக அசோக் சர்மா பிளேயிங் லெவனில் சேர்க்கப்பட்டுள்ளார்.
டாஸ் வென்ற பின் பேசிய கேப்டன் ஸ்ரேயாஸ் ஐயர், "நேற்று போட்டி நடந்த அதே ஆடுகளம் என்பதால், போட்டி செல்லச் செல்ல பிட்ச் மெதுவாகும் என எதிர்பார்க்கிறோம். எனவே விரைவாகச் சூழ்நிலைக்கு ஏற்ப மாறி, பெரிய ஸ்கோரை எடுக்க முயற்சிப்போம்" எனக் கூறினார். ஜிம்பாப்வே கேப்டன் சிக்கந்தர் ரசா பேசுகையில், காயம் காரணமாக ரிச்சர்ட் இங்கராவாவிற்குப் பதிலாக வெலிங்டன் மசகட்சா அணியில் சேர்க்கப்பட்டுள்ளதாகத் தெரிவித்தார்.
ஏற்கனவே 3 போட்டிகள் கொண்ட டி20 தொடரை 2-0 என்ற கணக்கில் கைப்பற்றியுள்ள இந்திய அணி, இந்தப்போட்டியிலும் வென்று தொடரை முழுமையாகக் கைப்பற்றும் முனைப்பில் உள்ளது.
இந்திய பிளேயிங் லெவன்: வைபவ் சூரியவன்ஷி, அபிஷேக் சர்மா, இஷான் கிஷன், ஸ்ரேயாஸ் ஐயர், திலக் வர்மா, சூர்யான்ஷ் ஷெட்கே, ரிங்கு சிங், ரவி பிஷ்னோய், அசோக் சர்மா, யாஷ் தாக்குர், மயங்க் யாதவ்.
ஜிம்பாப்வே பிளேயிங் லெவன்: பிரையன் பென்னட், பென் கரான், டயான் மைவர்ஸ், சிக்கந்தர் ரசா, ரையான் பர்ல், வெஸ்லி மாதேவேரே, தடிவனாஷே மருமானி, பிராட் எவன்ஸ், நியூமேன் நயம்ஹுரி, வெலிங்டன் மசகட்சா, பிளெசிங் முசரபானி.