மூக்குத்தி அம்மன் 2வை ரிலீஸ் பண்ணும் ரெட் ஜெயன்ட்.. சூர்யாவோட ‘சீன்’ தமிழ்நாடு ரிலீஸ் யாரு தெரியுமா?

சென்னை: ஜெயிலர் 2 படம் வெளியாகி மிகப்பெரிய அளவில் ரசிகர்களை தியேட்டருக்கு படையெடுத்து வைத்துள்ளது. பெரிதாக தியேட்டர் பக்கமே பல ஆண்டுகளாக போகாத ரசிகர்கள் கூட குடும்பத்துடன் ஜெயிலர் 2 படத்தை பார்க்க தியேட்டர்களுக்கு படையெடுத்து வருகின்றனர்.

ஆயுத பூஜை வாரத்தை முன்னிட்டு வெளியான ஜெயிலர் 2 திரைப்படம் இண்டஸ்ட்ரி ஹிட் அடிக்கப் போகிறது. இப்போதே 425 கோடி வரை 4 நாட்களில் வசூல் செய்துள்ளதாக அறிவிப்புகள் வெளியாகி உள்ளன. கூலி வசூல் இன்றுடன் காலியாகி விடும் என்கின்றனர்.

ஜெயிலர் 2 படத்தைத் தொடர்ந்து தமிழ் சினிமாவில் பெரிய போட்டி என்றால் அது தீபாவளி ரிலீஸ் படங்களின் போட்டி தான். நயன்தாராவின் மூக்குத்தி அம்மன் 2 சூர்யாவின் 'சீன்' படத்துடன் மோதுகிறது.

போட்டியை தவிர்த்த நயன்தாரா: இந்த ஆண்டு கருப்பு எனும் மெகா வெற்றியை சூர்யா கொடுத்த நிலையில், விஸ்வநாத் அண்ட் சன்ஸ் படத்துடன் போட்டி போடுவதாக அறிவித்த நயன்தாரா கடைசியில் தனது சொந்த தயாரிப்பு படமான ஹாய் படத்தின் ரிலீஸை தள்ளிப் போட்டார். ஆனால், இந்த முறை வேல்ஸ் நிறுவனம் தயாரிப்பில் உருவாகியுள்ள மூக்குத்தி அம்மன் 2 திரைப்படம் சூர்யாவின் சீன் படத்துடன் மோதுகிறது.

'சீன்' தமிழ்நாடு ரிலீஸ்: ஜித்து மாதவன் இயக்கத்தில் சூர்யா, நஸ்ரியா நடித்துள்ள சீன் திரைப்படம் தீபாவளியை முன்னிட்டு நவம்பர் 6ம் தேதி வெளியாகிறது. ராமாயணா, மூக்குத்தி அம்மன் 2 உள்ளிட்ட பெரிய படங்களுடன் சூர்யாவின் சீன் படம் பாக்ஸ் ஆபீஸ் கிளாஷை சந்திக்க காத்திருக்கிறது. இந்த படத்தின் தமிழ்நாடு தியேட்டர் ரிலீஸ் உரிமையை சக்தி ஃபிலிம் ஃபேக்டரி பெரிய தொகை கொடுத்து வாங்கியுள்ளது. சூர்யாவின் புதிய நிறுவனமான ழகரம் ஸ்டூடியோஸ் இந்த படத்தை தயாரித்தது குறிப்பிடத்தக்கது.

ரெட் ஜெயன்ட் உடன் மோதல்: ஜெயிலர் 2 படத்தின் தமிழ்நாட்டு ரிலீஸ் உரிமையை பெற்று மிகப்பெரிய லாபத்தை ரெட் ஜெயன்ட் மூவிஸ் அள்ளி வருகிறது. அடுத்து சுந்தர். சி இயக்கத்தில் நயன்தாரா, ரெஜினா கசாண்ட்ரா, ஊர்வசி நடித்துள்ள மூக்குத்தி அம்மன் 2 படத்தையும் ரெட் ஜெயன்ட் வெளியிடுகிறது. இந்நிலையில், சக்தி ஃபிலிம் ஃபேக்டரி மற்றும் ரெட் ஜெயன்ட் மூவிஸ் இடையே யார் அதிக தியேட்டர்களை ஆக்கிரமிப்பு செய்யப் போவது என்கிற போட்டி ஆரம்பித்துள்ளது.

தீபாவளி வசூல்: ஜெயிலர் 2 படமே தீபாவளிக்கும் பேய்த்தனமாக தியேட்டர்களில் ஓடும். ராமாயணா படம் வேறு வருகிறது. அதிகளவிலான தியேட்டர்கள் தீபாவளி ரிலீஸ் படங்களுக்கு எந்தளவுக்கு கிடைக்கும், பாக்ஸ் ஆபீஸ் வசூல் எப்படி இருக்கும் என்பதை பொறுத்திருந்து தான் பார்க்க வேண்டும்.