📅 Tuesday, 17 November 2026 IST | கார்த்திகை 1, பராபவ வருடம்
Tamilzha Alt Logo Text சார்பற்ற நடுநிலைச் செய்திகள்
முக்கிய செய்திகள்
Cinema July 17, 2026 01:30 PM

நோலனின் ‘The Odyssey’ எப்படி இருக்கு?

நோலனின் ‘The Odyssey’ எப்படி இருக்கு?

நோலனின் ‘The Odyssey’ எப்படி இருக்கு?

உலக புகழ் பெற்ற இயக்குநர் கிறிஸ்டோபர் நோலனின் ‘ தி ஒடிஸி’ திரைப்படத்தின் விமர்சனம்.

கிரேக்க இலக்கியத்தின் மிக முக்கியமான படைப்புகளில் ஒன்றாகக் கருதப்படும் ஒடிஸி காவியத்தை அடிப்படையாகக் கொண்டு இயக்குநர் கிறிஸ்டோபர் நோலன் உருவாக்கியுள்ள தி ஒடிஸி, புராணக் கதையையும் நவீன திரைப்பட மொழியையும் இணைக்கும் பிரம்மாண்ட முயற்சியாக திகழ்கிறது. டிரோஜன் போருக்குப் பிறகு, தனது தாயகமான இத்தாக்காவை நோக்கி பேரரசர் ஒடிசியஸ் மேற்கொள்ளும் ஆபத்தான பயணமே கதையின் மையமாக அமைந்துள்ளது.

போரில் வெற்றி பெற்ற வீரனின் பெருமையை மட்டுமல்லாமல், அந்த வெற்றிக்குப் பின்னால் மறைந்திருக்கும் மன உளைச்சல், குற்றவுணர்வு, குடும்பத்தை மீண்டும் சந்திக்க வேண்டும் என்ற ஏக்கம் ஆகியவற்றை திரைப்படம் உணர்வுப்பூர்வமாக பதிவு செய்கிறது. ஒடிசியஸ் கதாபாத்திரத்தில் மேட் டாமன், போரால் சோர்ந்துபோன அரசனின் மனநிலையை இயல்பாக வெளிப்படுத்தியுள்ளார்.

மனைவி பெனிலோப் வேடத்தில் அன்னா ஹாத்வேவும், தந்தையின் வருகைக்காக காத்திருக்கும் மகன் டெலிமாச்சோஸாக டாம் ஹாலண்டும் தங்களது கதாபாத்திரங்களுக்கு வலு சேர்க்கின்றனர். அதேபோல், அரசாட்சியை கைப்பற்ற முயலும் ஆன்டினஸ் வேடத்தில் ராபர்ட் பேட்டின்சனின் நடிப்பும் குறிப்பிடத்தக்கதாக உள்ளது.

கடல், மலை, குகை, புயல் என ஒடிசியஸின் சாகசப் பயணத்தை காட்சிப்படுத்தும் விதத்தில் நோலனின் இயக்கம் பிரமிப்பை ஏற்படுத்துகிறது. மறுபுறம் அரண்மனையின் அமைதியான சூழலைக் கொண்டு குடும்பத்தினரின் மனநிலையையும் அழுத்தமாக வெளிப்படுத்துகிறார்.

ஒளிப்பதிவாளர் ஹொய்டே வான் ஹொய்டெமாவின் காட்சிகள் படத்திற்கு காவியத் தோற்றத்தை அளிக்கின்றன. முழுக்க ஐமேக்ஸ் கேமராக்களில் படமாக்கப்பட்ட காட்சிகளை ஜெனிபர் லேம் சிறப்பாக தொகுத்துள்ளார். லூட்விக் கோரன்சனின் பின்னணி இசை, காட்சிகளின் உணர்ச்சியையும் பிரமாண்டத்தையும் மேலும் உயர்த்துகிறது. புராணக் கதையை புதிய கோணத்தில் அனுபவிக்க விரும்புவோருக்கு தி ஒடிஸி சிறந்த திரையரங்க அனுபவமாக அமைகிறது.