The Hundred 2026: 15 பந்துகளில் சதம் விளாசிய ஹாரி புரூக்.. காவ்யா மாறன் ஹாப்பி அண்ணாச்சி

The Hundred 2026: 15 பந்துகளில் சதம் விளாசிய ஹாரி புரூக்.. காவ்யா மாறன் ஹாப்பி அண்ணாச்சி

லீட்ஸ்: 'தி ஹண்ட்ரட்' கிரிக்கெட் தொடரில் சன்ரைசர்ஸ் லீட்ஸ் அணிக்காக விளையாடி வரும் இங்கிலாந்து நட்சத்திர வீரர் ஹாரி ப்ரூக், லண்டன் ஸ்பிரிட் அணிக்கு எதிரான போட்டியில் வெறும் 18 பந்துகளில் 55 ரன்கள் குவித்து அசத்தியுள்ளார். ஹெடிங்லே மைதானத்தில் நடைபெற்ற இப்போட்டியில், 3-வது வரிசையில் களம் இறங்கிய ப்ரூக் 5 பவுண்டரிகள் மற்றும் 5 சிக்ஸர்களுடன் 15 பந்துகளில் அரைசதம் கடந்தார்.

இதன் மூலம் 'தி ஹண்ட்ரட்' வரலாற்றில் மிக அதிவேகமாக அரைசதம் கடந்த வீரர் என்ற சாதனையை ஹாரி ப்ரூக் சமன் செய்துள்ளார். இதற்கு முன்னதாக, 2022 ஆம் ஆண்டு ஆகஸ்ட் 14 அன்று ஹெடிங்லே மைதானத்தில் நடைபெற்ற போட்டியில் நார்தர்ன் சூப்பர்சார்ஜர்ஸ் அணிக்கு எதிராக லண்டன் ஸ்பிரிட் அணியின் ஆடம் ரோசிங்டன் 15 பந்துகளில் அரைசதம் அடித்ததே சாதனையாக இருந்தது.

'தி ஹண்ட்ரட்' வரலாற்றில் அதிவேக அரைசதம் அடித்த வீரர்கள் பட்டியலில் லண்டன் ஸ்பிரிட் அணியின் ஆடம் ரோசிங்டன் மற்றும் சன்ரைசர்ஸ் லீட்ஸ் அணியின் ஹாரி ப்ரூக் ஆகியோர் தலா 15 பந்துகளில் அரைசதம் கடந்து முதலிடத்தைப் பகிர்ந்து கொண்டுள்ளனர். ஆடம் ரோசிங்டன் 2022 ஆகஸ்ட் 14 அன்று நார்தர்ன் சூப்பர்சார்ஜர்ஸ் அணிக்கு எதிராகவும், ஹாரி ப்ரூக் 2026 ஆகஸ்ட் 4 அன்று லண்டன் ஸ்பிரிட் அணிக்கு எதிராகவும் லீட்ஸ் மைதானத்தில் இந்த சாதனையைப் படைத்தனர்.

இவர்களுக்கு அடுத்தபடியாக, நார்தர்ன் சூப்பர்சார்ஜர்ஸ் அணியின் ஆடம் லித், 2022 ஆகஸ்ட் 11 அன்று தி ஓவல் மைதானத்தில் ஓவல் இன்வின்சிபிள்ஸ் அணிக்கு எதிராக 17 பந்துகளில் அரைசதம் அடித்து இரண்டாவது இடத்தில் உள்ளார்.

இங்கிலாந்து ஒருநாள் மற்றும் டி20 அணிகளின் கேப்டனான ஹாரி ப்ரூக் தவிர, இப்போட்டியில் சன்ரைசர்ஸ் லீட்ஸ் அணியின் மற்ற இரு பேட்டர்களும் அரைசதம் அடித்து அசத்தினர். தொடக்க வீரராக களம் இறங்கிய மிட்செல் மார்ஷ் 37 பந்துகளில் 76 ரன்களும், தென்னாப்பிரிக்க விக்கெட் கீப்பர்-பேட்டரான ரையான் ரிக்கெல்டன் 42 பந்துகளில் ஆட்டமிழக்காமல் 94 ரன்களும் குவித்தனர்.

முதல் மூன்று பேட்டர்களின் அதிரடி ஆட்டத்தால் சன்ரைசர்ஸ் லீட்ஸ் அணி 100 பந்துகளில் 2 விக்கெட் இழப்பிற்கு 241 ரன்கள் குவித்தது. 'தி ஹண்ட்ரட்' வரலாற்று அரங்கில் பதிவு செய்யப்பட்ட மிக உயர்ந்த ஸ்கோர் இதுவாகும். இத்தொடரின் வரலாற்றில் சன்ரைசர்ஸ் லீட்ஸ் அணி லண்டன் ஸ்பிரிட் அணிக்கு எதிராக 100 பந்துகளில் 2 விக்கெட் இழப்பிற்கு 241 ரன்கள் குவித்ததே மிக உயர்ந்த ஸ்கோராகும்.

இப்போட்டி 2026 ஆகஸ்ட் 4 அன்று லீட்ஸ் மைதானத்தில் நடைபெற்றது. இதற்கு அடுத்தபடியாக, 2025 ஆகஸ்ட் 16 அன்று தி ஓவல் மைதானத்தில் நடைபெற்ற போட்டியில் வெல்ஷ் ஃபயர் அணிக்கு எதிராக ஓவல் இன்வின்சிபிள்ஸ் அணி 100 பந்துகளில் 4 விக்கெட் இழப்பிற்கு 226 ரன்கள் குவித்தது.