தமிழகத்தின் மாநில மரத்துக்கு இப்படியொரு திட்டமா? அமைச்சர் வெளியிட்ட முக்கிய

தமிழகத்தின் மாநில மரத்துக்கு இப்படியொரு திட்டமா? அமைச்சர் வெளியிட்ட முக்கிய அறிவிப்பு!

Palm Tree Genetic Conservation: "தமிழ்நாட்டின் மாநில மரமான பனைக்கு புதிய முக்கியத்துவம், ரூ.50 லட்சத்தில் மரபணு பாதுகாப்புத் திட்டம் அறிவிக்கப்பட்டுள்ளது."

தமிழ்நாட்டின் மாநில மரமான பனைமரங்களின் மரபணு வளத்தைப் பாதுகாப்பதுடன், அதன் மரபியல் பண்புகளை ஆய்வு செய்து மேம்படுத்தும் வகையில் புதிய திட்டம் செயல்படுத்தப்பட உள்ளது. சட்டசபையில் வனத்துறை சார்பில் நடைபெற்ற மானியக் கோரிக்கை விவாதத்தின்போது வனத்துறை அமைச்சர் ரஞ்சித்குமார் இந்த முக்கிய அறிவிப்பை வெளியிட்டார்.

தமிழ்நாடு பனைமர மரபணு பாதுகாப்பு மற்றும் மரபணு மேம்பாட்டுத் திட்டம் ரூ.50 லட்சம் மதிப்பீட்டில் இரண்டு ஆண்டுகளில் செயல்படுத்தப்படும் என அறிவிக்கப்பட்டுள்ளது. பனைமரத்தின் மரபியல் வளங்களை முறையாக ஆவணப்படுத்தி, எதிர்காலத் தலைமுறைகளுக்கும் பாதுகாக்கும் நோக்கில் இந்தத் திட்டம் முன்னெடுக்கப்பட உள்ளது.

இந்தத் திட்டத்தின் முக்கிய நோக்கங்களில் ஒன்றாக, பனைமரத்தின் (Borassus flabellifer L.) மரபணு பண்புகளை வகைப்படுத்துதல் இடம்பெறுகிறது. தமிழ்நாட்டின் பல்வேறு பகுதிகளில் காணப்படும் பனைமரங்களின் மரபியல் தன்மைகளை ஆய்வு செய்வதன் மூலம் அவற்றில் காணப்படும் வேறுபாடுகள் மற்றும் சிறப்புப் பண்புகளை அடையாளம் காண முடியும்.

பனைமரங்களின் மரபணு பண்புகளை அறிந்து கொள்வதுடன், அவற்றின் அடிப்படையில் மரபணு மேம்பாட்டுப் பணிகளையும் மேற்கொள்வது இந்தத் திட்டத்தின் மற்றொரு முக்கிய நோக்கமாகும். இதன் மூலம் எதிர்காலத்தில் பனைமரங்களின் பாதுகாப்பு, வளர்ப்பு மற்றும் பயன்பாட்டை மேலும் அறிவியல் ரீதியாக முன்னெடுக்க வாய்ப்பு உருவாகும்.

தமிழ்நாட்டின் பண்பாடு, பாரம்பரியம் மற்றும் கிராமப்புற வாழ்வியலுடன் நீண்ட காலமாக தொடர்புடையது பனைமரம். பனை சார்ந்த பொருட்கள், உணவுப் பொருட்கள் உள்ளிட்ட பல்வேறு பயன்பாடுகளிலும் பனை முக்கிய பங்கு வகித்து வருகிறது. இந்த நிலையில், பனைமரத்தின் மரபணு வளத்தை அறிவியல் முறையில் பாதுகாக்கும் இந்தத் திட்டம், பனைப் பாதுகாப்பு நடவடிக்கைகளில் முக்கியமான முன்னெடுப்பாக பார்க்கப்படுகிறது.

தமிழ்நாடு அரசு ஏற்கனவே பனை மேம்பாட்டுக்கான பல்வேறு நடவடிக்கைகளை மேற்கொண்டு வரும் நிலையில், தற்போது மரபணு பாதுகாப்பு மற்றும் மரபியல் மேம்பாட்டையும் அதில் இணைப்பதன் மூலம் பனை வளத்தை நீண்டகால அடிப்படையில் பாதுகாக்கும் முயற்சி மேற்கொள்ளப்படுகிறது.

தலைப்பு செய்திகள்

ஃபோட்டோ கேலரி