வைபவ் சூர்யவன்ஷி காட்டில் பண மழை.. பேட்டில் விளம்பரம் செய்ய இத்தனை கோடியா? ஆடி போன கிரிக்கெட் உலகம்
வைபவ் சூர்யவன்ஷி காட்டில் பண மழை.. பேட்டில் விளம்பரம் செய்ய இத்தனை கோடியா? ஆடி போன கிரிக்கெட் உலகம்
மும்பை: வைபவ் சூர்யவன்ஷியின் பேட் ஸ்பான்சர்ஷிப் ஒப்பந்தம் முடிவுக்கு வரும் நிலையில், பல முன்னணி நிறுவனங்கள் அவரை ஒப்பந்தம் செய்ய ஆர்வம் காட்டி வருகின்றன. அவரது அபாரமான ஆட்டம் வணிக உலகிலும் கவனத்தைப் பெற்றுள்ளது.
கிரிக்கெட்டில் திறமையே புகழை ஈர்க்கும், பணம் பின்தொடரும். 15 வயதே ஆன பீகாரைச் சேர்ந்த வைபவ் சூர்யவன்ஷிக்குத் திறமைக்குக் குறைவில்லை. ஐபிஎல் 2026 தொடரில் அவர் பந்துவீச்சாளர்களைத் துவம்சம் செய்தார். 240-க்கு அதிகமான ஸ்ட்ரைக் ரேட்டில் 680 ரன்கள் குவித்து, அவர் அதிக ரன்கள் எடுத்தவராகவும், ரசிகர்களின் விருப்பமான நாயகனாகவும் உருவெடுத்துள்ளார்.
சூர்யவன்ஷியின் புகழ், அவரது பிராண்ட் மதிப்பையும் பெருக்கி வருகிறது. அதன் படி, இந்த இளம் வீரர் தனது பேட் ஸ்பான்சரிலிருந்து ஆண்டுக்கு ₹50 லட்சம் பெறுகிறார். மேலும், இதைவிடச் சிறந்த ஒப்பந்தம் கிடைத்தால், வெளியேற அவரது ஒப்பந்தம் அனுமதிக்கிறது.
அவரது அசுர வளர்ச்சி காரணமாக, பேட் ஸ்பான்சர்ஷிப் ஒப்பந்தம் முடிவுக்கு வரும் நிலையில், பல பெருநிறுவனங்கள் அவரை ஒப்பந்தம் செய்ய ஆர்வம்காட்டுகின்றன. இதில், நாட்டின் முன்னணி டயர் பிராண்டுகளும் அடங்கும்.
இந்த இளம் வீரருக்கு, பேட் ஸ்பான்சர்ஷிப்பிற்காக ஆண்டுக்கு ₹12 கோடி என்ற மிகப்பெரிய தொகை வழங்கப்பட்டுள்ளதாகக் கூறப்படுகிறது. ஆர்வமுள்ள ஒரு ஸ்பான்சர், அவரை ஒப்பந்தம் செய்ய வெற்றுச் செக்கையும் வழங்க முன்வந்திருப்பதாகத் தகவல்கள். இந்த ஒப்பந்தம் நிஜமானால், கிரிக்கெட்டின் விளம்பர உலகில் இது ஒரு பெரிய மாற்றத்தை ஏற்படுத்தும்.
"ஒரே ஒரு ஃபார்மட்டில் விளையாடும் ரிஷப் பன்ட் ஆண்டுக்கு ₹8 கோடி கேட்கும்போது, சூர்யவன்ஷி தனது அற்புதமான பேட்டிங்கால் உச்சத்தை எட்டியது வெளிப்படையானது" என்று ஒரு வணிக நிர்வாக அதிகாரி குறிப்பிட்டுள்ளார். . ஊடகங்களின்படி, பெரும்பாலான பேட் தயாரிப்பு நிறுவனங்கள், செயல்திறன் போனஸ்களுடன் ₹5 கோடி வரை மட்டுமே வழங்கும். ஆனால், எம்ஆர்எஃப், சியட் போன்ற டயர் நிறுவனங்கள் இப்போது பேட் பிராண்டிங் ஒப்பந்தங்களில் பெரும் முதலீடு செய்கின்றன.
இந்த மதிப்பீடு சற்று அதிகமாக இருக்கலாம் என சில தொழில் வல்லுநர்கள் எச்சரிக்கை விடுத்தாலும், இந்த இளம் சாதனையாளருக்காகக் கணிசமான அளவிலான பணம் குவியத் தொடங்கியுள்ளதையே இது காட்டுகிறது.