இன்று கொட்டித் தீர்க்கப்போகுது கனமழை! காஞ்சிபுரம், செங்கல்பட்டு மாவட்டங்களுக்கு

இன்று கொட்டித் தீர்க்கப்போகுது கனமழை! காஞ்சிபுரம், செங்கல்பட்டு மாவட்டங்களுக்கு எச்சரிக்கை!

Tamil Nadu Weather Update: தமிழகத்தில் கனமழை எச்சரிக்கை, காஞ்சிபுரம் மற்றும் செங்கல்பட்டு மாவட்டத்தில் வானிலை ஆய்வு மையத்தின் முக்கிய அறிவிப்பு வெளியிடப்பட்டுள்ளது.

Regional rain news Tamil Nadu: தமிழக கடலோரப் பகுதிகளில் கீழ்மட்ட வளிமண்டலத்தில் ஒரு பலவீனமான காற்றழுத்தத் தாழ்வுப் பாதை நிலவி வருகிறது. இதன் காரணமாக, இன்று தமிழகத்தின் நீலகிரி மற்றும் தேனி ஆகிய மாவட்டங்களில் ஒருசில இடங்களில் இடி, மின்னல் மற்றும் பலத்த காற்றுடன் கூடிய கனமழை பெய்யக்கூடும் என்று சென்னை வானிலை ஆய்வு மையம் தெரிவித்துள்ளது. மேலும் மதுரை, திண்டுக்கல், சிவகங்கை, புதுக்கோட்டை, ராமநாதபுரம், திருச்சிராப்பள்ளி, அரியலூர், பெரம்பலூர், கரூர், நாமக்கல், சேலம், ஈரோடு, கோயம்புத்தூர், திருவண்ணாமலை, கடலூர், கள்ளக்குறிச்சி, விழுப்புரம் ஆகிய 16 மாவட்டங்கள் மற்றும் புதுச்சேரியில் இடி மின்னலுடன் கூடிய மிதமான மழை பெய்ய வாய்ப்புள்ளது. ஏனைய தமிழகப் பகுதிகள் மற்றும் காரைக்கால் மண்டலத்தில் லேசான மழைக்கு வாய்ப்பிருப்பதாகவும், வட உள் மாவட்டங்களில் வழக்கத்தை விட சற்றே கூடுதல் வெப்பம் பதிவாகலாம் என்றும் தெரிவிக்கப்பட்டுள்ளது.

சென்னை மற்றும் அதன் புறநகர்ப் பகுதிகளைப் பொறுத்தவரை, மாலை மற்றும் இரவு நேரங்களில் நகரின் ஒருசில இடங்களில் இடி மின்னலுடன் கூடிய லேசானது முதல் மிதமான மழை பெய்யக்கூடும் என வானிலை ஆய்வு மையம் குறிப்பிட்டுள்ளது. நாளை பொறுத்தவரை, மேற்கு தொடர்ச்சி மலை சார்ந்த மாவட்டங்கள், காஞ்சிபுரம், செங்கல்பட்டு, ராணிப்பேட்டை, திருவண்ணாமலை மற்றும் மதுரை ஆகிய மாவட்டங்களில் பலத்த காற்றுடன் மிதமான மழை பெய்ய வாய்ப்புள்ளது.

இன்று காஞ்சிபுரம் மாவட்டத்தில் வானம் பொதுவாக மேகமூட்டத்துடன் காணப்படும். பகல் நேரத்தில் அதிகபட்ச வெப்பநிலையாக 36°C வரையிலும், இரவில் குறைந்தபட்ச வெப்பநிலையாக 27°C வரையிலும் பதிவாக வாய்ப்புள்ளது. பிற்பகல் மற்றும் இரவு நேரங்களில் லேசான மழை பெய்வதற்கான வாய்ப்புகள் உள்ளன.

இன்று செங்கல்பட்டு பகுதியிலும் மேகமூட்டமான வானிலையே நிலவும். இங்கு அதிகபட்ச வெப்பநிலை 36°C ஆகவும், குறைந்தபட்ச வெப்பநிலை 27°C ஆகவும் இருக்கும் என எதிர்பார்க்கப்படுகிறது. குறிப்பாக மாலை மற்றும் இரவு வேளைகளில் இடியுடன் கூடிய மழை அல்லது பரவலான மழை பொழிவதற்கான சாத்தியக்கூறுகள் அதிகமாக காணப்படுகின்றன.

தலைப்பு செய்திகள்

ஃபோட்டோ கேலரி