ரேஷன் கார்டு முடக்கமா? அக்டோபர் 1 முதல் புதிய உத்தரவு... தமிழக அரசு சொன்ன முக்கிய விளக்கம்!

ரேஷன் கார்டு முடக்கமா? அக்டோபர் 1 முதல் புதிய உத்தரவு... தமிழக அரசு சொன்ன முக்கிய விளக்கம்!

ரேஷன் கடைகளில் 6 மாதங்களுக்கு மேலாகப் பொருட்கள் வாங்காதவர்களின் குடும்ப அட்டைகள் முடக்கப்படுமா? e-KYC செய்யாதவர்களுக்கு ரேஷன் பொருட்கள் கிடைக்காதா? குடும்ப அட்டைதாரர்கள் மத்தியில் எழுந்துள்ள இந்தக் கேள்விகளுக்கு தமிழ்நாஅடு அரசு தற்போது முக்கிய விளக்கம் அளித்துள்ளது.

தமிழ்நாட்டில் ரேஷன் கார்டு என்பது அரிசி, சர்க்கரை உள்ளிட்ட அத்தியாவசியப் பொருட்களைப் பெறுவதற்கான ஆவணம் மட்டுமல்ல. அரசின் பல்வேறு நலத்திட்டங்களுக்கும் குடும்ப அட்டை முக்கிய ஆவணமாக உள்ளது. இதனால், ரேஷன் கார்டு முடக்கப்படுவதாக வெளியாகும் தகவல்கள் பொதுமக்கள் மத்தியில் இயல்பாகவே கவலையை ஏற்படுத்துகின்றன.

இந்த நிலையில், தமிழ்நாடு அரசு வெளியிட்டுள்ள செய்தி வெளியீடு, ரேஷன் பொருட்கள் விநியோகம் தொடர்பான சில முக்கிய விவரங்களைத் தெளிவுபடுத்தியுள்ளது.

அக்டோபர் 1 முதல் என்ன மாற்றம்?

மத்திய அரசின் உத்தரவின்படி, 6 மாதங்களுக்கும் மேலாக நியாயவிலைக் கடைகளில் பொருட்கள் வாங்காத முன்னுரிமைக் குடும்ப அட்டைதாரர்கள் (PHH) மற்றும் அந்தியோதயா அன்ன யோஜனா (AAY) குடும்ப அட்டைதாரர்களுக்குப் பொருட்கள் வழங்குவதை அக்டோபர் 1, 2026 முதல் தற்காலிகமாக நிறுத்த நடவடிக்கை எடுக்கப்பட்டுள்ளதாகத் தமிழ்நாடு அரசின் செய்தி வெளியீட்டில் தெரிவிக்கப்பட்டுள்ளது.

இதனால், நீண்டகாலமாக ரேஷன் கடைகளுக்குச் செல்லாத தகுதியுள்ள குடும்ப அட்டைதாரர்கள் தங்களது அட்டையின் நிலை குறித்து கவனம் செலுத்த வேண்டிய சூழல் ஏற்பட்டுள்ளது.

அதேநேரத்தில், e-KYC செய்யவில்லை என்பதற்காக மட்டும் ரேஷன் பொருட்கள் வழங்குவதை நிறுத்தக் கூடாது என்று தமிழ்நாடு அரசு தெளிவுபடுத்தியுள்ளது. எந்தவொரு குடும்ப அட்டைதாரருக்கும் அத்தியாவசியப் பொருட்கள் வழங்குவதைத் தடை செய்யவோ நிறுத்தவோ கூடாது என அனைத்து வட்ட வழங்கல் அலுவலர்கள் மற்றும் உதவி ஆணையர்களுக்கும் அறிவுறுத்தப்பட்டுள்ளதாகவும் தெரிவிக்கப்பட்டுள்ளது.

e-KYC செய்யாதவர்கள் என்ன செய்ய வேண்டும்?

தமிழ்நாட்டில் முன்னுரிமைக் குடும்ப அட்டைகள் மற்றும் அந்தியோதயா அன்ன யோஜனா குடும்ப அட்டைகளுக்கான e-KYC சரிபார்ப்பு தற்போது 96.69 சதவீதத்தை எட்டியுள்ளது. கடந்த ஜூலை மாதத்தில் 95.44 சதவீதமாக இருந்த இந்த அளவு, செப்டம்பர் 30-ம் தேதி நிலவரப்படி 96.69 சதவீதமாக உயர்ந்துள்ளதாக அரசின் செய்தி வெளியீடு கூறுகிறது.

இதற்காகக் கூட்டுறவு, உணவு மற்றும் நுகர்வோர் பாதுகாப்புத் துறை சார்பில் பல்வேறு தேதிகளில் சிறப்பு e-KYC முகாம்களும் நடத்தப்பட்டுள்ளன. இந்த முகாம்கள் மூலம் 4,49,633 முன்னுரிமை மற்றும் அந்தியோதயா திட்டப் பயனாளிகள் பயன்பெற்றுள்ளதாகத் தெரிவிக்கப்பட்டுள்ளது.

இருப்பினும், இதுவரை e-KYC முடிக்காத குடும்ப அட்டைதாரர்கள், ரேஷன் கடைகளில் பொருட்கள் வாங்கச் செல்லும்போது கைரேகை அல்லது கருவிழிப் பதிவின் மூலம் தங்களது விவரங்களைச் சரிபார்த்து e-KYC பதிவை விரைந்து முடிக்குமாறு தமிழ்நாடு அரசு கேட்டுக்கொண்டுள்ளது.

குடும்ப அட்டைதாரர்கள் கவனிக்க வேண்டியது என்ன?

தற்போதைய அறிவிப்பில் இரண்டு விஷயங்களைத் தனித்தனியாகப் புரிந்துகொள்வது அவசியம்.

e-KYC முடிக்காதவர்கள்: e-KYC செய்யவில்லை என்பதற்காக மட்டும் அத்தியாவசியப் பொருட்கள் வழங்குவதை நிறுத்தக் கூடாது என்று தமிழ்நாடு அரசு தெரிவித்துள்ளது.

6 மாதங்களுக்கும் மேலாகப் பொருட்கள் வாங்காதவர்கள்: முன்னுரிமை மற்றும் அந்தியோதயா குடும்ப அட்டைகளுக்குப் பொருட்கள் வழங்குவதைத் தற்காலிகமாக நிறுத்துவது தொடர்பான மத்திய அரசின் உத்தரவைத் தமிழ்நாடு அரசு தனது செய்தி வெளியீட்டில் குறிப்பிட்டுள்ளது.

எனவே, ரேஷன் கார்டுகள் அனைத்தும் முடக்கப்படப் போகின்றன என்று பொதுவாகக் கருத வேண்டியதில்லை. குடும்ப அட்டையின் வகை, ரேஷன் பொருட்கள் வாங்கிய விவரம் மற்றும் e-KYC நிலை ஆகியவற்றைத் தனித்தனியாகக் கவனிப்பது அவசியம்.

ரேஷன் கடைகளில் பொருட்கள் வாங்காமல் நீண்டகாலமாக இருந்தவர்கள், தங்களது குடும்ப அட்டையின் தற்போதைய நிலையை நியாயவிலைக் கடையில் சரிபார்த்துக் கொள்வது நல்லது. பொருட்கள் வாங்காமல் நீண்டகாலமாக இருந்தவர்கள், தங்களது குடும்ப அட்டையின் தற்போதைய நிலையை நியாயவிலைக் கடையில் சரிபார்த்துக் கொள்வது நல்லது.