"தம்பி விஜய்க்கு தேர்தலில் பயம் இருப்பது தெள்ளத்தெளிவாகத் தெரிகிறது"

"தம்பி விஜய்க்கு தேர்தலில் பயம் இருப்பது தெள்ளத்தெளிவாகத் தெரிகிறது" - திமுக எம்.பி. கனிமொழி

"தவெகவுக்குப் பாடம் சொல்லி தரக்கூடிய அளவுக்கு மக்கள் வாக்களிப்பார்கள் என்று நம்புகிறேன்" - கனிமொழி

மதுராந்தகம், தாராபுரம் தொகுதிகளுக்கான இடைத்தேர்தல் நாளை (அக்.6) நடைபெற இருக்கிறது.

இந்நிலையில் தூத்துக்குடி விமான நிலையத்தில் திமுக எம்.பி கனிமொழி செய்தியாளர்களைச் சந்தித்து பேசியிருக்கிறார்.

"தூய சக்தி எனக் கூறி மக்களை ஏமாற்றிவிட்டு, தவெக பணப் பட்டுவாடா செய்கிறது.

வாக்காளர்களுக்கு வழங்குவதற்கான பணம் எங்கிருந்து வந்தது. இவர்களின் உண்மையான முகத்தை மக்கள் புரிந்துக்கொள்ள வேண்டும்.

தேர்தலுக்காக அதிகமாகப் பிரசாரம் செய்யாத முதலமைச்சர் தெரு தெருவாகச் சென்று பிரசாரம் செய்கிறார் என்றால் தம்பி விஜய்க்கு தேர்தலில் பயம் இருப்பது தெள்ளத் தெளிவாகத் தெரிகிறது.

தவெகவுக்குப் பாடம் சொல்லி தரக்கூடிய அளவுக்கு மக்கள் வாக்களிப்பார்கள் என்று நம்புகிறேன்.

அவர்கள் கூட்டணியில் இருப்பவர்களே விமர்சனம் செய்யக்கூடிய அளவுக்குத்தான் இருக்கிறார்கள்.

நாங்கள் எந்தத் தவறும் செய்ய மாட்டோம் என்று மேடைக்கு மேடை பேசினால் மட்டும் போதாது.

உண்மையிலேயே அப்படி இருக்க வேண்டும். மக்களுக்கு எந்த நன்மையும் செய்யவில்லை. பாதுகாப்பு இல்லை. குற்றங்கள் ஒவ்வொரு நாளும் அதிகரித்துக்கொண்டு இருக்கின்றன.

மக்கள் ஒரு அச்சத்துடன் வாழக்கூடிய சூழல் நிலவுகிறது. வளர்ச்சிக்கானத் திட்டங்கள் எதுவும் கிடையாது" என்று விமர்சித்திருக்கிறார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்... https://tinyurl.com/2b963ppb

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்... https://tinyurl.com/2b963ppb