தொடர்ந்து 7வது நாளாக உச்சம் தொட்ட வோடபோன் ஐடியா..... கடந்த ஒரு வருடத்தில் இல்லாத அளவுக்கு உயர்ந்த பங்கு விலை....

புதன்கிழமை காலை வர்த்தகத்தின் தொடக்கத்தில், Vodafone Ideaவின் பங்கு விலை இன்றைய வர்த்தகத்தில் சுமார் 1% உயர்ந்துள்ளது. இதையடுத்து கடந்த 52 வாரங்களில் இல்லாத அளவுக்கு உச்சம் தொட்டுள்ளது. வோடபோன் ஐடியா நிறுவனத்தின் பங்கு விலை தொடர்ந்து ஏழாவது நாளாக விலை அதிகரித்துள்ளது. வோடபோன் ஐடியா நிறுவனத்தின் பங்கு விலை, பிஎஸ்இ சந்தையில் 0.98% வரை உயர்ந்து, ஒரு பங்கு விலை ரூ.14.29 என்ற விலையைத் தொட்டுள்ளது.இந்தத் தொலைத்தொடர்பு நிறுவனம் தொடர்ந்து மூன்றாவது மாதமாகப் புதிய வாடிக்கையாளர்களைச் சேர்த்துள்ளதாக அறிவித்ததைத் தொடர்ந்தே, வோடபோன் ஐடியா பங்கின் விலை ஏற்றம் காணப்படுகிறது.இந்தியத் தொலைத்தொடர்பு ஒழுங்குமுறை ஆணையம் வெளியிட்ட சமீபத்திய வாடிக்கையாளர் தரவுகளின்படி, வோடபோன் ஐடியா நிறுவனம் ஏப்ரல் மாதத்தில் 53,257 புதிய பயனர்களைச் சேர்த்துள்ளது. இது மார்ச் மாதத்தில் சேர்க்கப்பட்ட 1.03 லட்சம் பயனர்கள் மற்றும் பிப்ரவரி மாதத்தில் சேர்க்கப்பட்ட 21,927 பயனர்களார் சேர்ந்துள்ளனர்.பல்வேறு பிரிவுகளிலும் வாடிக்கையாளர் வளர்ச்சியின் அடிப்படையில் Bharti Airtel நிறுவனம் தொடர்ந்து முதலிடத்தில் நீடிக்கிறது. ஏப்ரல் மாதத்தில் இந்நிறுவனம் மொத்தம் 34.82 லட்சம் புதிய வாடிக்கையாளர்களைச் சேர்த்துள்ளது. இதில் 31.39 லட்சம் பேர் வயர்லெஸ் பிரிவைச் சேர்ந்தவர்கள், 3.43 லட்சம் பேர் வயர்லைன் பிரிவைச் சேர்ந்தவர்கள் ஆவர்.ரிலையன்ஸ் ஜியோ நிறுவனத்தின் புதிய வாடிக்கையாளர் சேர்க்கை 30.84 லட்சமாகப் பதிவாகியுள்ளது. இதில் 29.42 லட்சம் புதிய மொபைல் இணைப்புகளும், 1.42 லட்சம் வயர்லைன் இணைப்புகளும் அடங்கும்.Vodafone Idea பங்கு விலை செயல்பாடுவோடபோன் ஐடியா பங்கு விலை ஒரு மாதத்தில் 46% உயர்ந்துள்ளது. மூன்று மாதங்களில் 33% வளர்ச்சி அடைந்துள்ளது. இந்தத் தொலைத்தொடர்புப் பங்கு ஆறு மாதங்களில் 40% ஏற்றம் கண்டுள்ளதுடன், கடந்த ஓராண்டில் 103% என்ற பலமடங்கு வருவாயை முதலீட்டாளர்களுக்கு வழங்கியுள்ளது.காலை 9:25 மணியளவில், பிஎஸ்இ சந்தையில் வோடபோன் ஐடியா பங்கின் விலை ரூ.14.16-ஆக வர்த்தகமானது. இது முந்தைய விலையை விட 0.07% அதிகமாகும்.