இன்றைய வானிலை அறிக்கை: இந்த மாவட்ட மக்களே உஷார்... இடி மின்னலுடன் கனமழை வாய்ப்பு!

இன்றைய வானிலை அறிக்கை: இந்த மாவட்ட மக்களே உஷார்... இடி மின்னலுடன் கனமழை வாய்ப்பு!

தமிழ்நாட்டில் நான்கு மாவட்டங்களில் இன்று பலத்த மழைக்கு வாய்ப்பு இருப்பதாக, வானிலை ஆய்வு மையம் கனித்துள்ளது.

தமிழகத்தில் வளிமண்டல சுழற்சி மற்றும் வீசி வரும் காற்றின் திசையமைப்பு காரணமாக பல்வேறு மாவட்டங்களில் மழை பெய்து வருகிறது. இந்த நிலையில், கோவை, தேனி, திருநெல்வேலி மாவட்டங்களின் மலைப்பகுதிகள் மற்றும் நீலகிரி ஆகிய நான்கு மாவட்டங்களில் இன்று கனமழை பெய்ய வாய்ப்புள்ளதாக சென்னை வானிலை ஆய்வு மையம் தெரிவித்துள்ளது.

தமிழகம் மற்றும் புதுச்சேரியின் சில இடங்களில் கடந்த இரு தினங்களாக மழை பெய்துள்ளது. இதன் காரணமாக பெரும்பாலான பகுதிகளில் வெப்பநிலையில் 2 முதல் 3 டிகிரி செல்சியஸ் வரை குறைந்து, பொதுமக்களுக்குக் குளிர்ச்சியான சூழல் நிலவியது. கடந்த 24 மணி நேரத்தில் அதிகபட்சமாக காஞ்சிபுரம் மாவட்டம் கொட்டவாக்கத்தில் 10 சென்டிமீட்டர் மழை பதிவாகியுள்ளது. அதேவேளையில், காரைக்கால் பகுதிகளில் வறண்ட வானிலையே காணப்பட்டது.

தற்போது தெற்கு உள் கர்நாடகா மற்றும் அதனை ஒட்டிய பகுதிகளின் மேல், 5.8 கிலோமீட்டர் உயரத்தில் ஒரு வளிமண்டல மேலடுக்கு சுழற்சி நிலவுகிறது. மேலும், தென் மாவட்டங்கள் மற்றும் புதுச்சேரி பகுதிகளின் மேல் 5.8 கி.மீ. முதல் 7.6 கி.மீ. உயரம் வரை மற்றொரு வளிமண்டல சுழற்சியும் நிலவி வருகிறது. அதேபோல, வட மாவட்ட கடலோரப் பகுதிகளில் கீழ்மட்ட வளிமண்டலத்தில் ஒரு பலவீனமான காற்று சுழற்சிப் பாதையும் தென்படுகிறது.

இந்த வளிமண்டல அமைப்புகள் காரணமாக, இன்றும் நாளையும் கோவை, தேனி, திருநெல்வேலி மாவட்டங்களின் மலைப்பகுதிகள் மற்றும் நீலகிரி மாவட்டத்தில் ஓரிரு இடங்களில் இடி, மின்னல் மற்றும் பலத்த காற்றுடன் கூடிய கனமழை பெய்யக்கூடும்.

மேலும், மேற்கு தொடர்ச்சி மலையை ஒட்டிய பிற மாவட்டங்கள், சென்னை, திருவள்ளூர், ராணிப்பேட்டை, வேலூர், திருப்பத்தூர், திருவண்ணாமலை, விழுப்புரம், திருச்சி, கரூர், மதுரை மாவட்டங்கள் மற்றும் காரைக்கால் பகுதிகளில் இடி, மின்னலுடன் கூடிய மிதமான மழை பெய்ய வாய்ப்புள்ளது. தமிழகத்தின் ஏனைய பகுதிகளில் இடி மின்னலுடன் கூடிய லேசான மழை பெய்யக்கூடும் என்றும் வானிலை அறிக்கையில் கூறப்பட்டுள்ளது.

இன்றைய (ஆகஸ்ட் 6) வானிலை கணிப்பின்படி, காஞ்சிபுரம் மற்றும் செங்கல்பட்டு மாவட்டங்களில் வானம் பொதுவாக மேகமூட்டத்துடன் காணப்படும். நகரின் சில பகுதிகளில் இடி, மின்னல் மற்றும் பலத்த காற்றுடன் (மணிக்கு 30 முதல் 40 கி.மீ வேகத்தில்) கூடிய மிதமான மழை பெய்ய வாய்ப்புள்ளது. வெப்பநிலை இயல்பை விடச் சற்று குறைந்து காணப்படும் என எதிர்பார்க்கப்படுகிறது.

தலைப்பு செய்திகள்

ஃபோட்டோ கேலரி