Udhayanidhi: ஒரு யூனிட் மின்சாரம் ரூபாய் 35 நாட்டின் நம்பர் 1 டுபாக்கூர் விஜய்

Udhayanidhi: ஒரு யூனிட் மின்சாரம் ரூபாய் 35; நாட்டின் நம்பர் 1 டுபாக்கூர் விஜய் - விமர்சித்த உதயநிதி

நாட்டின் நம்பர் 1 டுபாக்கூராக மாறி நிற்கும் முதலமைச்சர் விஜய்க்கு மக்கள் தக்க பாடம் புகட்ட வேண்டும் என்று உதயநிதி பதிவிட்டுள்ளார்.

தமிழ்நாட்டில் மின்சார தேவைக்காக ஒரு யூனிட் மின்சாரத்தை ரூபாய் 35க்கு தமிழக அரசு கொள்முதல் செய்வதாக தகவல்கள் வெளியாகியுள்ளது. இதற்கு திமுக உள்ளிட்ட எதிர்க்கட்சிகள் கண்டனம் தெரிவித்து வருகின்றனர்.

திமுக சட்டமன்ற தலைவர் உதயநிதி ஸ்டாலின் வெளியிட்டுள்ள கண்டனத்தில் கூறியிருப்பதாவது,

டம்மி முதலமைச்சர்:

கழக ஆட்சிக்காலத்தில் குறைந்த விலைக்கு மின்சாரம் வாங்கியதை முறைகேடு என்று சொல்லி டென்டரை ரத்து செய்த இந்த Circus அரசு, இன்றைக்கு 1 Unit மின்சாரத்தை மிக மிக அதிக விலைக்கு ரூ.35 கொடுத்து வாங்க இருக்கிறது.

இந்தியாவிலேயே தமிழ்நாடு தான் இப்படி அதிக விலைக்கு மின்சாரம் வாங்குகிறது என்றால், அந்த அளவிற்கு நிர்வாகத்திறனில் inefficient ஆக இருக்கிறார் இந்த Dummy முதலமைச்சர்.

ஏற்க முடியாது:

இப்படி கொள்ளை அடிக்கத்தான், ‘காற்று அடிக்கவில்லை - மழை வரவில்லை - பஞ்சாப்ல கூட இதே மாதிரி ஒரு சம்பவம் நடந்துச்சு’ என்றெல்லாம் கட்டுக்கதைகளைச் சொல்லி இத்தனை நாட்களாக இந்த ஆட்சியாளர்கள் செயற்கை மின் தட்டுப்பாட்டை உருவாக்கினார்களா?

இந்த ஊழல் deal முடிக்கத்தான் பக்கத்து மாநிலத்துக்கு பறந்து இருக்கிறாரா பஞ்ச் டயலாக் சி.எம்? ஏற்கனவே மின் கட்டணம் என்கிற பெயரில் மக்களிடம் பகல் கொள்ளை அடிக்கும் இந்த வெட்கங்கெட்ட சர்க்கார், அதிக விலைக்கு மின் கொள்முதல் செய்து அதையும் பொதுமக்கள் தலையில் கட்டப் போவதை ஒரு போதும் ஏற்க முடியாது.

நம்பர் 1 டுபாக்கூர்:

விலைவாசி உயர்வில் இந்தியாவிலேயே தமிழ்நாட்டை முதலிடத்திற்கு கொண்டு போய் நிறுத்தியுள்ள இந்தக் கோமாளிக்கூட்டம், இன்னும் எத்தனை தூரம் மக்களை வதைக்கவிருக்கிறது.

மாற்றம் மாற்றம் என்று சொல்லி, நாட்டின் நம்பர் 1 டுபாக்கூராக மாறி நிற்கும் இந்த முதலமைச்சருக்கு மக்கள் தக்க பாடம் புகட்டுவார்கள்.

இவ்வாறு அவர் பதிவிட்டுள்ளார்.

தவெக அரசு முன்கூட்டியே மின்சார கொள்முதல் நடவடிக்கையில் இறங்காததால் அதிக விலை கொடுத்து மின்சாரத்தை வாங்க வேண்டிய சூழல் உருவாகியுள்ளது. இதற்கு தொடர்ந்து கண்டனங்கள் குவிந்து வருகிறது. இந்த விமர்சனத்தை அரசு எப்படி எதிர்கொள்ள உள்ளது? என்பது பெரும் கேள்விக்குறியாகி உள்ளது.

தலைப்பு செய்திகள்

ஃபோட்டோ கேலரி