தமிழ்த்தாய் வாழ்த்துடன் தொடங்கிய சோனி விழா.. தமிழர்களின் எண்டர்டெயின்மென்ட்டுக்கான புதிய தொடக்கம்!

சென்னை: சோனி பிக்சர்ஸ் நெட்வொர்க்ஸ் இந்தியா (SPNI), தனது புதிய தமிழ் பொது பொழுதுபோக்கு அலைவரிசையின் (GEC) பெயர் மற்றும் அடையாளமாக 'Sony VIZHA' (சோனி விழா) என்பதை இன்று அறிமுகப்படுத்தியுள்ளது.

அக்டோபர் 2026-இல் தொடங்கப்படவுள்ள Sony VIZHA, தமிழ் பொழுதுபோக்கு உலகிற்குள் SPNI அடிவைக்கும் புதிய மைல்கல்லாக அமையவுள்ளது.

தமிழ்நாட்டின் கலாச்சாரம், உணர்வுகள், மொழி மற்றும் மக்களின் அன்றாட வாழ்க்கையை ஆழமாகப் பிரதிபலிக்கும் உயர்தர பொழுதுபோக்கு அம்சங்களை வழங்குவதே Sony VIZHA அலைவரிசையின் முதன்மை நோக்கமாகும். உள்ளூர் மண்வாசனையுடன் கூடிய கதைகள், மேம்பட்ட தயாரிப்புத் தரம், சிறந்த கலைத்திறன் மற்றும் பிரம்மாண்டமான வடிவமைப்புடன் உருவாக்கப்பட்டு, உலகெங்கிலும் உள்ள தமிழ் பார்வையாளர்களைச் சென்றடையும் வகையில் இதன் நிகழ்ச்சிகள் அமையவுள்ளன.

சுதந்திர தினத்தை முன்னிட்டு குழந்தைகள் பாடிய 'தமிழ்த்தாய் வாழ்த்து' பாடலின் சிறப்பு நிகழ்வோடு, Sony VIZHA-வின் பெயரும் லோகோவும் அதிகாரப்பூர்வமாக வெளியிடப்பட்டன.

தமிழ்நாட்டில் அனைத்து முக்கிய நிகழ்வுகளின் தொடக்கத்திலும் பாடப்படும் தமிழ்த்தாய் வாழ்த்து, தமிழர்களின் பெருமையையும் அடையாளத்தையும் பிரதிபலிக்கும் மிக முக்கியப் பாடலாகும்.

தமிழின் பெருமை திசையெங்கும் பரவ வேண்டும் என்ற அந்த உயரிய உணர்வே Sony VIZHA அலைவரிசையின் அடிப்படை எண்ணமாக அமைந்துள்ளது.

தமிழ் மண்ணின் கதைகள், மக்களின் அன்பு, நினைவுகள், கனவுகள், ஆசைகள் மற்றும் கலாச்சாரப் பெருமையைப் பிரதிபலிப்பதோடு, உலகளாவிய தரத்தில் பார்வையாளர்களைச் சென்றடையும் வகையில் இதன் உள்ளடக்கங்கள் உருவாக்கப்படவுள்ளன.

'Vizha' (விழா) என்ற தமிழ் வார்த்தைக்குக் கொண்டாட்டம் அல்லது திருவிழா என்று பொருளாகும்.

தமிழ் கதைகள், திறமைகள், இசை, குடும்ப உறவுகள், ஆன்மாவைத் தொடும் கனவுகள் ஆகியவற்றை ஒன்றிணைத்து, பார்வையாளர்களின் உணர்வுகளோடு கலந்த ஒரு கொண்டாட்டமாக Sony VIZHA உருவெடுக்கிறது.

Sony VIZHA அலைவரிசையின் லோகோவில் மஞ்சள் மற்றும் எலக்ட்ரிக் புளூ (Electric Blue) நிறங்கள் பயன்படுத்தப்பட்டுள்ளன. மங்களகரமான மஞ்சள் தூள் மற்றும் சாமந்திப் பூ போன்ற தமிழ்நாட்டின் கொண்டாட்டங்களோடு தொடர்புடைய பாரம்பரிய கூறுகளிலிருந்து இந்த மஞ்சள் நிறம் ஈர்க்கப்பட்டுள்ளது. எலக்ட்ரிக் புளூ நிறம் நவீனத்தன்மை, பிரீமியம் தோற்றம் மற்றும் புத்துணர்ச்சியைக் குறிக்கிறது.

இது குறித்து, Sony Pictures Networks India-வின் தென்னகப் பிராந்திய முதன்மை உள்ளடக்க அதிகாரி (Chief Content Officer - South Regional) ராஜராமன் சுந்தரம் கூறியது:

"Sony VIZHA மூலம் தமிழ் பொழுதுபோக்கு உலகில் நாங்கள் ஒரு மனமார்ந்த, உணர்வுப்பூர்வமான பயணத்தைத் தொடங்குகிறோம். வளமான படைப்பாற்றல் பாரம்பரியம், ஆழமான உணர்வுகளை வெளிப்படுத்தும் அழகான மொழி, நேர்மை மற்றும் கலாச்சாரப் பெருமையுடன் கூடிய கதைகளை எப்போதும் வரவேற்கும் சந்தை இது."

"இங்கு நாங்கள் அர்த்தமுள்ள படைப்புகளை உருவாக்க வேண்டும் என்ற உண்மையான விருப்பத்துடன் நுழைகிறோம். தமிழ் பார்வையாளர்களுக்கு நெருக்கமான உணர்வைத் தரும் அதே வேளையில், புதிய தலைமுறை (New Gen) பார்வையாளர்களின் நம்பிக்கையையும் தேடலையும் பிரதிபலிக்கும் பிரீமியம் கதைகளை உருவாக்குவதே எங்களின் நோக்கமாகும்."

"தமிழ்த்தாய் வாழ்த்தில், தமிழின் பெருமை திசையெங்கும் பரவுவது அழகாகக் குறிப்பிடப்பட்டிருக்கும். அந்த உணர்வே Sony VIZHA-விற்கும் ஊக்கம் அளிக்கிறது. தமிழ் கலாச்சாரத்தை அடிப்படையாகக் கொண்டு, உலகளாவிய தரத்தில் உருவாக்கப்படும் ஒரு பிரம்மாண்ட கொண்டாட்டமாக Sony VIZHA இருக்கும். வரும் அக்டோபர் மாதத்தில் இந்த அலைவரிசையை நேயர்களிடம் கொண்டு சேர்க்க ஆவலுடன் காத்திருக்கிறோம்."

SPNI-இன் உலகளாவிய மற்றும் தேசிய அளவிலான முகவரிகளான Kaun Banega Crorepati, Indian Idol, CID மற்றும் Crime Patrol போன்ற வெற்றிகரமான நிகழ்ச்சிகளின் அனுபவத்திலிருந்து Sony VIZHA தனது உத்வேகத்தைப் பெறுகிறது.

அதே நேரத்தில், தனித்துவமான தமிழ் அடையாளத்துடனும், மண் சார்ந்த உணர்வுப்பூர்வமான கதையம்சத்துடனும், பிரீமியம் தரத்திலான பொழுதுபோக்கு நிகழ்ச்சிகளை வழங்க Sony VIZHA திட்டமிட்டுள்ளது.

Sony VIZHA அலைவரிசையின் நிகழ்ச்சி அட்டவணை மற்றும் ஒளிபரப்புத் தொடக்கம் குறித்த கூடுதல் விவரங்கள் விரைவில் அறிவிக்கப்படும்.

Sony VIZHA என்பது Sony Pictures Networks India-வின் பிரத்யேக தமிழ் பொழுதுபோக்கு தளமாகும். தமிழ் கலாச்சாரம், மண்வாசனை கொண்ட கதைகள், இசை, உணவு, திருவிழாக்கள் மற்றும் அன்றாட வாழ்க்கையைக் கொண்டாட விரும்பும் பார்வையாளர்களுக்காகவே இந்த அலைவரிசை உருவாக்கப்பட்டுள்ளது.

'Vizha' (விழா) என்ற வார்த்தையின் கொண்டாட்ட உணர்வை அடிப்படையாகக் கொண்டு, அனைத்து தலைமுறை தமிழ் நேயர்களுக்காகவும் பிரத்யேக ஒரிஜினல் நிகழ்ச்சிகள், உலகத்தரம் வாய்ந்த ரியாலிட்டி ஷோக்கள், திரைப்படங்கள் மற்றும் உலகளாவிய பொழுதுபோக்கு உள்ளடக்கங்களை வழங்க Sony VIZHA தயாராகி வருகிறது.

குறிப்பாக, Celebrity MasterChef Tamil, Tamil Idol போன்ற பிரம்மாண்ட நிகழ்ச்சிகளுடன், நவீன சிந்தனையோட்டம் கொண்ட, வித்தியாசமான மற்றும் பிரீமியம் பொழுதுபோக்கை புதிய தலைமுறை (New Generation) பார்வையாளர்களுக்கு வழங்க Sony VIZHA உறுதியளிக்கிறது.

Sony Pictures Networks India (SPNI) குறித்து:

Sony Pictures Networks India Private Limited (SPNI) என்பது ஜப்பானைச் சேர்ந்த Sony Group Corporation நிறுவனத்தின் முழுமையான உரிமையுடைய துணை நிறுவனமாகும்.

இந்தியாவின் முன்னணி ஊடகம் மற்றும் பொழுதுபோக்கு நிறுவனங்களில் ஒன்றாக விளங்கும் SPNI, தற்போது 29 தொலைக்காட்சி அலைவரிசைகளை இயக்கி வருகிறது.

ஊடகத்துறையில் சிறந்த பணியிடமாக அங்கீகரிக்கப்பட்டுள்ள SPNI, பல்வேறு மதிப்புமிக்க விருதுகளைப் பெற்றுள்ளது. 'Great Place to Work® Institute, India' வழங்கிய 'India's Best Companies to Work For 2021' அங்கீகாரமும், AVTAR & Seramount's Most Inclusive Companies Index 2024 இல் 'Exemplars of Inclusion' விருதும், பெண்களுக்கான இந்தியாவின் சிறந்த 100 நிறுவனங்கள் (100 Best Companies for Women in India) பட்டியலில் தொடர்ந்து 8 ஆண்டுகள் இடம்பெற்றுள்ள பெருமையும் இதில் குறிப்பிடத்தக்கவை ஆகும்.

A post shared by Sony LIV Tamil (@sonyliv.tamil)

நிறுவனத்தின் தனித்துவமான பணியிட கலாச்சாரத்தை அங்கீகரிக்கும் வகையில், ET Future Skills 2024 சார்பில் 'Best Learning Program Supporting Change Transformation Business Strategy' விருதும், TISS LeapVault CLO Awards 2024 இல் 'Best Employee Engagement Program' மற்றும் 'Best Games Based Learning Program' ஆகிய விருதுகளும் SPNI-க்கு வழங்கப்பட்டுள்ளன.

இந்தியாவில் தனது செயல்பாடுகளின் 31-வது ஆண்டில் வெற்றிகரமாகப் பயணிக்கும் SPNI, வெளிநாடுகளில் துணை நிறுவனங்களைக் கொண்டுள்ளதோடு, இந்தியாவில் 'MSM-Worldwide Factual Media Private Limited' என்ற துணை நிறுவனத்தையும், 'Bangla Entertainment Private Limited' என்ற இணை நிறுவனத்தையும் கொண்டு இயங்கி வருகிறது.